पाहिजे होती मुलगी; मात्र पूर्ण झाली नाही इच्छा, मग १२ दिवसांच्या मुलाला केलं ठार

ही घटना बैतूल येथील कोतवाली पोलीस ठाण्याच्या हद्दीतील बजरवाडा गावातील आहे. प्राथमिक तपासानंतर पोलिसांनी सांगितले की, आरोपी अनिल उइके दोन मुलांचा बाप आहे. मोठा मुलगा सात वर्षांचा तर लहान मुलगा पाच वर्षांचा आहे. त्याची पत्नी रुचिका तिसऱ्यांदा गर्भवती राहिल्यानंतर त्याला आशा होती कि, आता मुलगी होईल. 

काही दिवसापूर्वी रुचिकाने तिसऱ्या मुलाला जन्म दिला. यानंतर अनिल रागात होता. रविवारी सायंकाळी तो दारूच्या नशेच घरी परतला व पत्नीसोबत भांडू लागला. आरोपीने यासाठी पत्नीला दोषी मानत तिला बेदम मारहाण केली. त्याच्या तावडीतून सुटून रुचिका घरातून बाहेर पळून गेली. काही वेळाने झोपडीत परतली तेव्हा तिला दिसले की, नवजात मुलगा मृतावस्थेत पडला आहे. त्याच्या गळ्यावर दाबल्याचे निशाण होते. 

बलात्कार पीडितेची 'टू फिंगर टेस्ट' करणं भोवलं! हिमाचल हायकोर्टाचा डॉक्टरांना ५ लाखांचा दंड; चौकशीचेही आदेश

त्यानंतर पोलिसांना सुचना देण्यात आली. पोलिसांनी सांगितले की, आरोपीविरोधात अनेक कलमांतर्गत गुन्हे नोंद करण्यात आले आहेत. हत्येनंतर फरार झालेल्या आरोपीला अटक करण्यात आली आहे. चौकशीदरम्यान आरोपीने सांगितले की, त्याला आधीच दोन मुले आहेत. त्यामुळे त्याला मुलीची अपेक्षा होती. मात्र तिसऱ्यांदाही मुलगाच झाल्याने त्याला सहन झाले नाही व त्याने त्याची हत्या केली.