उत्तर प्रदेशात दहशत माजवणाऱ्या माफियांचा भयानक शेवट! मुख्तारसह ९ अट्टल गुन्हेगारांचा भयानक झाला मृत्यू

मुन्ना बजरंगी

या यादीत पहिले नाव आहे पूर्वांचलच्या कुख्यात गुंड मुन्ना बजरंगीचे. मुन्ना बाजरंगी माफिया मुख्तार अन्सारीचा खास माणूस होता. ९ जुलै २०१८ रोजी बागपत तुरुंगात त्याची हत्या होण्यापूर्वी मुन्ना बजरंगीच्या कुटुंबीयांनी त्याच्या हत्येची भीती व्यक्त केली होती. या संदर्भात मुन्नाची पत्नी सीमा सिंह यांनी लखनऊमध्ये पत्रकार परिषदही घेतली.  मुन्नाच्या कुटुंबीयांची भीती तीन दिवसांनी खरी ठरली. गुन्हेगारीच्या एका प्रकरणात त्याला झाशी तुरुंगातून बागपत तुरुंगात नेत असतांना मुन्नाची तेथे पोहोचल्यानंतर गोळ्या झाडून हत्या करण्यात आली होती.

संजीव माहेश्वरी उर्फ ​​जीवा

असाच काहीसा प्रकार पश्चिम यूपीतील कुख्यात माफिया संजीव माहेश्वरी उर्फ ​​जीवासोबत देखील घडला. जीवा कोर्टात हजर होणार होता, त्याच्या जीवाला धोका असून पुरेशी सुरक्षा पुरवली जावी, अशी मागणी त्याने केली होती. ७ जून २०२३ रोजी, लखनऊमध्ये कोर्टात जात असतांना गोळ्या घालून त्याची हत्या करण्यात आली.

मुख्तार अन्सारी

माफिया मुख्तार अन्सारी याने देखील आपल्या हत्येचा कट रचला जात असल्याचे २१ मार्च रोजी न्यायालयासमोर सांगितले होते. त्याच्या जेवणात स्लो पॉईझन दिले जात असल्याचा आरोप करण्यात आला.  दरम्यान, आठवडाभरातच मुख्तारची शंका खरी ठरली. शुक्रवारी त्याचा हृदयविकाराच्या झटक्याने कोठडीत असतांना मृत्यू झाला.  मात्र,  त्याने २१ मार्च रोजी त्यांनी केलेल्या आरोपाने विरोधी पक्षांना अडचणीत आणले आहे.

विकास दुबे

गेल्या सात वर्षांत यूपीतील बिकारू घटना आणि डेप्युटी एसपीसह आठ पोलिसांच्या हत्येतील मुख्य आरोपी विकास दुबे याचाही कोठडीत मृत्यू झाला. विकास दुबेने पोलिसांच्या नाकीनऊ आणले होते. बिकारू हत्याकांडानंतर विकास दुबेचा संपूर्ण उत्तर प्रदेश  पोलिस शोध घेत होते, तेव्हा त्याने उज्जैनमधील महाकाल मंदिराजवळ आत्मसमर्पण केले. दरम्यान, उज्जैनहून कानपूरला त्याला परत आणत असताना पोलिसांची  गाडी उलटली. यावेळी  त्याने पळून जाण्याचा प्रयत्न केला. मात्र,  पोलिसांशी झालेल्या चकमकीत त्याला ठार मारण्यात आले. 

अतिक आणि अश्रफ

पोलिसांच्या कोठडीत असणाऱ्या प्रयागराज येथील माफिया बंधू अतिक अहमद आणि अशरफ यांची देखील हत्या करण्यात आली होती. अतिक आणि त्याच्या भावाने उत्तर प्रदेशात मोठी दहशत निर्माण केली होती. उमेश पाल खून झाल्यावर  दोघांनाही अहमदाबाद आणि बरेली येथून प्रयागराज येथे आणण्यात आले होते. दरम्यान, पोलिसांनी  त्यांचा मुलगा असदला चकमकीत ठार मारले होते. या घटनेच्या दोन दिवसांनंतर, अतिक आणि अश्रफ यांना रुग्णालयात नेत असताना तिघा  हल्लेखोरांनी पोलिस ठाण्यासमोर दोघांची गोळ्या घालून हत्या केली. या घटनेचा व्हिडिओ देखील व्हायरल झाला होता. 

खान मुबारक

आंबेडकरनगरचा कुख्यात माफिया खान मुबारक याचाही न्यायालयीन कोठडीत मृत्यू झाला. तो आजारी होता. खान मुबारक मृत्यूसमयी हरदोई तुरुंगात होता. जेथे त्यांची प्रकृती खालावल्याने त्यांना रुग्णालयात दाखल करण्यात आले. रुग्णालयात डॉक्टरांनी त्यांना मृत घोषित केले.

मेराज आणि मुकीम

मुख्तारचा जवळचा सहकारी मेराज आणि कुख्यात मुकीम काला, पश्चिम यूपीला पलायन करणारा मुख्य आरोपी देखील पोलिस कोठडीत मरण पावला. चित्रकूट तुरुंगात बंदिस्त असलेल्या मेराज आणि मुकीम काला यांची कुख्यात अंशू दीक्षितने गोळ्या झाडून हत्या केली होती. मात्र, नंतर अंशू दीक्षितलाही पोलिसांनी चकमकीत मारले.