UBI Recruitment 2024: युनियन बँक ऑफ इंडियामध्ये एसओ पदांसाठी भरती; अर्ज प्रक्रियेला आजपासून सुरुवात
Union Bank of India Recruitment: युनियन बँक ऑफ इंडियामध्ये स्पेशालिस्ट ऑफिसर पदांसाठी अर्ज प्रक्रिया सुरू करण्यात आली आहे.
Bank Job 2024: युनियन बँक ऑफ इंडियाने स्पेशालिस्ट ऑफिसर पदांसाठी अर्ज प्रक्रिया सुरू झाली आहे. आजपासून (३ फेब्रुवारी २०२४) अर्ज प्रक्रिया सुरू झाली आहे. इच्छुक उमेदवार www.unionbankofindia.co.in येथे अधिकृत संकेतस्थळाद्वारे ऑनलाइन अर्ज करू शकतात. येत्या मार्च किंवा एप्रिल महिन्यात या पदांसाठी ऑनलाइन परीक्षा घेतली जाऊ शकते.
युनियन बँक ऑफ इंडियामध्ये एकूण ६०६ स्पेशालिस्ट ऑफिसर्स पदांच्या भरतीसाठी अर्ज मागिवले जात आहे. अर्ज करण्याची शेवटची तारीख २३ फेब्रुवारी २०२४ आहे. यापूर्वी इच्छुक उमेदवार यूआयबी बँकेच्या अधिकृत वेबसाईट जाऊन ऑनलाईन पद्धतीने अर्ज करू शकतात.
निवड प्रक्रिया:
निवड प्रक्रियेत अर्ज आणि पात्र उमेदवारांच्या संख्येनुसार ऑनलाइन परीक्षा, गट चर्चा, अर्ज स्क्रीनिंग किंवा वैयक्तिक मुलाखतीचा समावेश असू शकतो.
अर्ज शुल्क:
जनरल / ईडब्ल्यूएस / ओबीसी उमेदवारांसाठी अर्ज शुल्क ८५० रुपये आहे. तर, एससी / एसटी / पीडब्ल्यूबीडी उमेदवारांकडून १७५ रुपये अर्ज शुल्क आकारला जाऊ शकतो.
अर्ज कसा करायचा?
- सर्वप्रथम उमेदवारांनी युनियन बँक ऑफ इंडियाची अधिकृत वेबसाइट www.unionbankofindia.co.in येथे भेट द्यावी.
- त्यानंतर होमपेजवर रिक्रूटमेंट या पर्यायावर क्लिक करावी.
- पुढे 'युनियन बँक भरती प्रकल्प २०२४- २५ विशेषज्ञ अधिकारीसाठी अर्ज लिंकवर क्लिक करा
- त्यानंतर नोंदणी करून अर्ज भरावा आणि सर्व आवश्यक कागदपत्रे अपलोड करावी.
- अर्ज शुल्क भरून फॉर्म सबमिट करावा. तसेच भविष्यातील संदर्भासाठी प्रिंट घ्यावी.
अधिक माहितीसाठी इच्छुक उमेदवाराने युनियन बँक ऑफ इंडियाची अधिकृत वेबसाइटला भेट द्यावी
संबंधित बातम्या