Viral News: स्पोर्ट्स शूज घातल्यानं नोकरीवरून काढलं, प्रकरण पोहोचलं कोर्टात; कंपनीला द्यावे लागले ३० लाख रुपये!

एलिझाबेथ बेनासी असे या तरुणीचे नाव आहे. एलिझाबेथ हिने २०२२ मध्ये मॅक्सिमस यूके सर्व्हिसेसमध्ये काम करण्यास सुरुवात केली. एलिझाबेथने सांगितले की, कंपनीचा ड्रेस कोड आहे, हे तिला माहित नव्हते आणि स्पोर्ट्स शूज घातल्याने तिला नोकरीवरून काढून टाकण्यात आले. यामुळे कंपनीला नुकसान भरपाई म्हणून तिला ३० लााख रुपये द्यावे लागले.

एलिझाबेथने म्हणाली की, कंपनीत ती एकटीच नव्हती की, जिने स्पोर्ट्स शूट घातले होते. इतरही लोक स्पोर्ट्स शूज घालून आले होते. परंतु, त्यांच्याविरोधात कोणतीही अ‍ॅक्शन घेण्यात आली नाही. तिला अयोग्यरित्या लक्ष्य करण्यात आले, असेही तिने म्हटले. यानंतर एलिझाबेथने कंपनीविरुद्ध गुन्हा दाखल केला. एखाद्या लहानमुलासारखे तिच्यासोबत व्यवहार करण्यात आला, असाही तिने आरोप केला.

कंपनीने आपल्या स्पष्टीकरणात असे म्हटले की, एलिझाबेथला केवळ तीन महिन्यांसाठी कामावर ठेवण्याचा करार करण्यात आला होता. त्यामुळेच तिला कामावरून काढून टाकण्यात आले. ती सर्वात तरुण कर्मचारी होती, म्हणून तिला 'मायक्रोमॅनेज'केले जात होते. दोन्ही बाजू ऐकल्यानंतर दक्षिण लंडनमधील क्रॉयडन येथील कामगार न्यायालयाने एलिझाबेथ बेनासी यांच्या बाजूने निकाल दिला. न्यायालयाने निकाल देताना असे म्हटले आहे की, कंपनीने या तरुणीला फक्त तीन महिन्यासाठी नोकरी घेतले असते तर, ईमेलमध्ये त्याचा उल्लेख केला असता. याप्रकरणी न्यायालयाने २९ हजार १८७ पौंड नुकसान भरपाई मागितली आहे.