UCO Bank Recruitment: परीक्षा न देता बँकेत नोकरी, युको बँकेने 'या' पदांसाठी मागवले अर्ज
UCO Bank Apprentice Recruitment 2024: युको बँकेत एकूण ५४४ जागांसाठी भरती प्रक्रिया सुरू झाली असून इच्छुक उमेदवार nats.education.gov.in या अधिकृत वेबसाइटवर अर्ज करू शकतात.
Bank Job 2024: बँकेत नोकरी करण्यासाठी इच्छुक असलेल्या उमेदवारांसाठी सुवर्ण संधी आहे. युको बँकेने अप्रेंटिस पदांसाठी अर्ज मागवले आहेत. इच्छुक उमेदवार ucobank.com येथे युको बँकेच्या अधिकृत वेबसाइटद्वारे ऑनलाइन अर्ज करू शकतात. या भरती मोहिमेत संस्थेतील एकूण ५४४ पदे भरण्यात येणार आहेत. भरतीसाठी अर्ज करण्याची शेवटची तारीख, शैक्षणिक पात्रता, वयोमर्यादा आणि नोकरीचे ठिकाण याबाबतची माहिती जाणून घेऊयात.
तारीख
- अर्ज प्रक्रियेला सुरुवात: २ जुलै २०२४
- अर्ज करण्याची शेवटची तारीख : १६ जुलै २०२४
BPSC Recruitment 2024: सहाय्यक प्राध्यापकांच्या १३३९ जागांसाठी भरती, जाणून घ्या A टू Z माहिती
पात्रता
भारत सरकार किंवा त्याच्या नियामक संस्थांकडून मान्यताप्राप्त मान्यताप्राप्त विद्यापीठ / संस्थांमधून पदवीधारक असावा. त्यांचा निकाल दिनांक ०१.०७.२०२४ रोजी किंवा त्यापूर्वी जाहीर करण्यात आला असावा आणि उमेदवाराने बँकेच्या आवश्यकतेनुसार विद्यापीठ / संस्था / महाविद्यालयाकडून जारी केलेली गुणपत्रिका आणि तात्पुरते / पदवी प्रमाणपत्र सादर करणे आवश्यक आहे. उमेदवाराचा जन्म ०२.०७.१९९६ पूर्वी आणि ०१.०७.२०२४ नंतर (दोन्ही तारखांचा समावेश) झालेला असावा.
स्टायपेंडमधील तपशील अप्रेंटिसशिपच्या कालावधीत शिकाऊ व्यक्तीला १५०००/- रुपये मासिक विद्यावेतन (भारत सरकारकडून अनुदान रकमेसह) दिले जाईल. यातील १० हजार ५०० रुपये उमेदवाराच्या खात्यात जमा होतील. तर, सरकारी मार्गदर्शक तत्त्वांनुसार ४,५०० रुपये कापले जातील.
निवड प्रक्रिया
निवड निवड बँकेच्या पूर्ण विवेकानुसार शॉर्टलिस्ट केलेल्या उमेदवारांची स्क्रीनिंग आणि वैयक्तिक मुलाखतीद्वारे केली जाईल. निवड प्रक्रियेत लेखी परीक्षेचा समावेश असल्यास बँकेच्या संकेतस्थळावर याची माहिती दिली जाईल. उमेदवारांना मुलाखत/ लेखी परीक्षेत किमान गुण मिळविणे आवश्यक आहे (एससी / एसटी / ओबीसी / दिव्यांग उमेदवारांसाठी, त्यावर ५ टक्के सूट उपलब्ध आहे). मुलाखत/ लेखी परीक्षेत किमान पात्रता बँकेने ठरविल्याप्रमाणे असेल.
इतर तपशील
प्रशिक्षणाचा एकूण कालावधी कराराच्या तारखेपासून एक वर्ष असेल. शैक्षणिक पात्रता पूर्ण केल्यानंतर एक वर्ष किंवा त्याहून अधिक कालावधीसाठी प्रशिक्षण किंवा नोकरीचा अनुभव असलेले उमेदवार अप्रेंटिस म्हणून नियुक्त होण्यास पात्र ठरणार नाहीत. अधिक संबंधित माहितीसाठी उमेदवार युको बँकेची अधिकृत वेबसाइट पाहू शकतात.
