UCO Bank : युको बँकेत लोकल बँक ऑफिसर पदांच्या २५० जागांसाठी भरती सुरू असून या नोकरीसाठी अर्ज करण्याची उद्या, बुधवार, ५ फेब्रुवारी २०२५ रोजी शेवटची तारीख आहे. अर्ज करण्यास इच्छुक असलेले, पण अद्याप अर्ज न केलेले उमेदवार युको बँकेच्या ucobank.com या अधिकृत संकेतस्थळावर अर्ज करू शकतात.
> भारत सरकारकडून मान्यताप्राप्त विद्यापीठातून कोणत्याही विषयातील पदवी किंवा केंद्र सरकारकडून मान्यताप्राप्त कोणतीही समकक्ष पात्रता.
> उमेदवाराकडे वैध गुणपत्रिका / पदवी प्रमाणपत्र असणं आवश्यक
> पदासाठी नोंदणी करताना पदवीमध्ये मिळालेल्या गुणांची टक्केवारी दर्शविणं आवश्यक
> उमेदवाराचं वय २० ते ३० वर्षादरम्यान असावं.
अर्ज करताना उमेदवारांना ऑनलाइन अर्ज शुल्क भरावं लागणार आहे. अनुसूचित जाती/जमाती/दिव्यांग उमेदवारांसाठी अर्ज शुल्क किंवा सूचना शुल्क १७५/- रुपये आणि इतर सर्वांसाठी ८५०/- रुपये आहे.
अर्ज शुल्क/ सूचना शुल्क ऑनलाइन भरण्याकरिता बँक व्यवहार शुल्क उमेदवाराला द्यावं लागेल. शुल्क / सूचना शुल्क एकदा भरल्यानंतर कोणत्याही खात्यावर परत केलं जाणार नाही किंवा ते इतर कोणत्याही परीक्षा किंवा निवडीसाठी राखीव ठेवता येणार नाही.
गुजरात : ५७ पदे
महाराष्ट्र : ७० पदे
आसाम : ३० पदे
कर्नाटक : ३५ पदे
त्रिपुरा: १३ पदे
सिक्कीम: ६ पदे
नागालँड: ५ पदे
मेघालय: ४ पदे
केरळ : १५ पदे
तेलंगणा आणि आंध्र प्रदेश: १० पदे
जम्मू काश्मीर: ५ पदे
अधिक माहितीसाठी, उमेदवार तपशीलवार अधिसूचना पाहू शकतात.
संबंधित बातम्या