भन्नाट शक्कल! दोन भावांनी कारला बनवले 'हेलिकॉप्टर', मात्र बाहेर काढताच पोलिसांची पडली नजर, अन् ..

अंबेडकरनगरमधील अकबरपूर कोतवाली पोलिसांनी बस स्थानकाजवळून दोन भावांना कारसह अटक केली आहे. दोन भावांनी कारचे रुपांतर हेलीकॉप्टरमध्ये केले होते. मात्र पेटिंगसाठी वाहन नेले जात असताना पोलिसांनी पकडले व वाहन जप्त केले.

दोन भावांनी आपली आर्थिक तंगी दूर करण्यासाठी व पैसे कमावण्यासाठी एका व्हॅगनआर कारला मॉडिफाय करत त्याचे रुपांतर हेलिकॉप्टरमध्ये केले होते. यामध्ये त्यांचे उद्देश्य होता की, लग्न कार्यात वधू-वरांना आणण्यासाठी याचा उपयोग केला जाईल. त्यांनी कारच्या वरती पंखे लावले. पाठीमागे वेल्डींग काम करून हेलिकाप्टरचे रुप देण्यात आले. त्यानंतर या रंग देण्यासाठी भीटीहून अकबरपूर जिल्हा मुख्यालयाकडे रवाना झाले.

नवविवाहित सुनेची फाशी घेऊन आत्महत्या; संतप्त नातेवाईकांनी सासरच्या घराला लावली आग; सासू सासरे ठार

दोघे भाऊ आपले वाहन घेऊन जाताना रस्त्यावर हे वाहन पाहण्यासाठी लोकांनी मोठी गर्दी केली. हेलिकॉप्‍टर हवेत न उडता रस्त्याने जात होते. सर्व लोक दोन भावांचा कारनामा पाहून तोंडात बोटे घालत होते. तेव्हा बस स्थानकाजवळ पोलिसांनी दोघा भावांना रोखले. एमव्ही एक्टनुसार त्यांनी मॉडिफाय केलेले वाहन जप्त करण्यात आले. काही वेळाने पोलिसांनी दंड आकारून वाहन सोडून दिले मात्र त्यांनी सक्त ताकीद दिली की, याचा वापर करायचा नाही. 

याप्रकरणी एएसपी विशाल पांडे यांनी सांगितले की, परिवहन विभागाच्या नियमानुसार कोणत्याही वाहनाला परवानगीशिवाय मॉडिफाय केले जाऊ शकत नाही. त्यांनी सांगितले की, अकबरपूर कोतवाली क्षेत्रात चेकिंग अभियान राबवले जात आहे. त्यावेळी दोन भावांना हे वाहन घेऊन जाताना पकडले.