Doctor attack : कोलकातानंतर आता आणखी एका महिला डॉक्टरवर हल्ला, केसांना धरून ओढले अन्… पाहा VIDEO

महिला इंटर्नवर हल्ला केल्यानंतर पद्मावती मेडिकल कॉलेज फॉर विमेनच्या जूनियर डॉक्टर आणि विद्यार्थ्यांनी घटनेच्या विरोधात निर्देशने केली. हल्ला केलेल्या रुग्णाचे नाव बंगाराजू असे आहे. आरोपी बंगाराजू आपल्या कुटूंबासोबत तीर्थयात्रा करण्यास तिरुमालाला आला होता. एका रुग्णाला घेऊन तो शनिवारी एसव्हीआयएमएस रुग्णालयात आला होता. त्यावेळी रुग्णावर उपचार करणाऱ्या महिला इंटर्नवर त्याने हल्ला केला.

सरकारी रुग्णालयात कुत्र्यांनी लचके तोडलेला बेवारस मृतदेह आढळल्याने खळबळ, वरच्या मजल्यावरून कोसल्याने मृत्यूचा संशय

महिला इंटर्नवर हल्ला केल्याची घटना सीसीटीव्ही कॅमेऱ्यात कैद झाली आहे. व्हिडिओमध्ये बंगाराजू महिला डॉक्टरवर हल्ला करताना स्पष्ट दिसत आहे. सीसीटीव्ही फुटेजमध्ये दिसते की, रुग्ण महिला डॉक्टरच्या पाठीमागून येतो व तिचे केस पकडून तिचं डोकं हॉस्पिटलमधील बेडच्या स्टील फ्रेमवर आपटतो. हा प्रकार पाहून वॉर्डमधील अन्य डॉक्टर महिला सहकाऱ्याच्या मदतीसाठी धाव घेतात. सर्वजण रुग्णाला पकडून बाजुला नेतात व महिलेची सुटका करतात.

कोलकाता बलात्कार प्रकरणाचा खुलासा होणार! माजी प्राचार्य संदीप घोष आणि चार डॉक्टरांची होणार पॉलीग्राफ चाचणी

हल्ला झालेल्या महिला डॉक्टरने याबाबत रुग्णालयाचे संचालक आणि डीन डॉ. आरव्ही कुमार यांना पत्र लिहून तक्रार केली आहे. त्यात तिने म्हटले आहे की, ती शनिवारी आपत्कालीन औषध विभागात कर्तव्यावर होती. त्यावेळी तिच्यावर एका रुग्णाने अनपेक्षितपणे हल्ला केला. बंगारू राजू असे त्याचे नाव असून तो पाठीमागून धावत माझ्याजवळ आला,त्याने माझे केस ओढले आणि एका खाटेच्या स्टीलच्या रॉडवर डोके आपटायला सुरुवात केली, असे तिने पत्रात नमूद केलं आहे.

जर रुग्णाकडे धारदार शस्त्र असतं तर परिस्थिती गंभीर होऊ शकली असती,असंही तिने म्हटलं आहे. कर्मचाऱ्यांची सुरक्षा निश्चित करण्यासाठी प्रशासनाने सुरक्षा उपाय करावेत, अशी मागणी तिने केली आहे. दरम्यान या घटनेनंतर सुरक्षेची मागणी करत रुग्णालयातील डॉक्टर व विद्यार्थ्यांनी रुग्णालयाच्या बाहेर आंदोलन केलं.