IAS अधिकारी टीना डाबीची UPSC ची मार्कशीट व्हायरल, पाहा किती मिळाले होते गुण

IAS Tina Dabi Marksheet: टीना डाबीला आयएएस अधिकारी बनून बरीच वर्षे उलटून गेली आहेत, परंतु ती कायम चर्चेतअसते. पुन्हा एकदा टीनाची मार्कशीट व्हायरल झाली आहे. पहिल्याच प्रयत्नात यूपीएससी सिव्हिल सर्व्हिसेस परीक्षा उत्तीर्ण झाल्यानंतर टीना प्रसिद्धीच्या झोतात आली. हजारो विद्यार्थी तिला आपला आदर्श मानतात.

टीना UPSC सिव्हिल सर्व्हिसेस २०१५ च्या परीक्षेत बसली आणि चांगल्या गुणांनी ती उत्तीर्ण झाली. यूपीएससी सीएसई परीक्षेत टॉप करणारी ती एससी श्रेणीतील पहिली महिला ठरली. टीना डाबीने एकूण १०६३ गुण मिळवून AIR-1 रँक मिळवली. टीना डाबीने दिल्ली विद्यापीठाच्या लेडी श्री राम कॉलेज फॉर वुमनमध्ये असताना यूपीएससीची तयारी सुरू केली होती. डाबी यांनी बीए पॉलिटिकल सायन्समध्ये ग्रॅज्युएशन केले आहे.

अभ्यासा दरम्यान, तिने स्वतःचे वेळापत्रक आणि अभ्यासाचे वेळापत्रक देखील तयार केले जे तिने काटेकोरपणे पाळले. टीना डाबी सध्या राजस्थान कॅडरमध्ये आयएएस अधिकारी म्हणून कार्यरत आहेत. त्या राजस्थानच्या जैसलमेरमध्ये जिल्हाधिकारी आणि दंडाधिकारी म्हणून काम करतात. दरम्यान UPSC २०२३ पूर्व परीक्षा अधिसूचना पुढील आठवड्यात अधिकृत वेबसाइट upsc.gov.inवर प्रसिद्ध केली जाईल. ही परीक्षा मे२०२३मध्ये होणार आहे.