SSC GD 2025 Exam : स्टाफ सिलेक्शनची कॉन्स्टेबल जीडी परीक्षा फेबुवारीत; प्रवेशपत्र कसे डाऊनलोड करायचे?
मराठी बातम्या  /  देश-विदेश  /  SSC GD 2025 Exam : स्टाफ सिलेक्शनची कॉन्स्टेबल जीडी परीक्षा फेबुवारीत; प्रवेशपत्र कसे डाऊनलोड करायचे?

SSC GD 2025 Exam : स्टाफ सिलेक्शनची कॉन्स्टेबल जीडी परीक्षा फेबुवारीत; प्रवेशपत्र कसे डाऊनलोड करायचे?

Jan 12, 2025 09:29 PM IST

पदवीधर उमेदवार ज्या परीक्षेची आतुरतेने वाट पाहत असतात, ज्यासाठी तयारी करत असतात ती स्टाफ सिलेक्शनची परीक्षा जाहीर झाली आहे. स्टाफ सिलेक्शनकडून सीजीएल परीक्षेची घोषणा करण्यात आली असून लवकरच प्रवेशपत्र कमिशनच्या वेबसाईटवर उपलब्ध करून दिली जातील.

SSC GD 2025 परीक्षा तारखा जाहीर (HT File Photo)
SSC GD 2025 परीक्षा तारखा जाहीर (HT File Photo)

SSC GD 2025 exam Date : कर्मचारी निवड आयोग फेब्रुवारीमध्ये केंद्रीय सशस्त्र पोलिस दल (सीएपीएफ) आणि एसएसएफमध्ये कॉन्स्टेबल (जीडी), आसाम रायफल्समध्ये रायफलमन (जीडी) आणि नार्कोटिक्स कंट्रोल ब्युरो परीक्षा, 2025  मध्ये शिपाई परीक्षा आयोजित  केली जाणार आहे.  आयोग या परीक्षेचे प्रवेशपत्र प्रादेशिक संकेतस्थळांवर उपलब्ध करून देणार आहे. 

पदवीधर उमेदवार ज्या परीक्षेची आतुरतेने वाट पाहत असतात, ज्यासाठी तयारी करत असतात ती स्टाफ सिलेक्शनची परीक्षा जाहीर झाली आहे. स्टाफ सिलेक्शनकडून सीजीएल परीक्षेची घोषणा करण्यात आली असून लवकरच प्रवेशपत्र कमिशनच्या वेबसाईटवर उपलब्ध करून दिली जातील. या भरतीद्वारे देशभरातील विविध सरकारी आस्थापनांमध्ये पदभरती केली जाणार आहे. या भरतीद्वारे अंदाजे १७ हजार ७२७ रिक्त जागा भरण्यात येणार आहेत.

एसएससी कॉन्स्टेबल जीडी परीक्षांच्या तारखा -

वेळापत्रकानुसार एसएससी जीडी परीक्षा ४, ५, ६, ७, ८, ९, १०, ११, १२, १३, १७, १८, १९, २०, २१, २२ आणि २५ फेब्रुवारी २०२५ रोजी होईल.

प्रवेशपत्रापूर्वी आयोग सिटी इन्फॉर्मेशन स्लिप जारी करेल, ज्यामध्ये उमेदवारांना त्यांचे परीक्षा केंद्र कोठे असेल,याची माहिती दिली जाईल. त्यानंतर अॅडमिट कार्ड जारी केले जाईल, जिथे उमेदवारांना परीक्षा केंद्राचे नाव आणि पत्ता, परीक्षेची तारीख, पेपरची वेळ, रिपोर्टिंग वेळ, परीक्षेच्या दिवसाच्या मार्गदर्शक सूचना इत्यादी माहिती मिळेल.

SSC जीडी प्रवेश पत्र / परीक्षा सिटी स्लिप कसे  डाऊनलोड करावे -(How to download admit SSC GD admit card) 

  1. आपल्या प्रादेशिक विभागाच्या एसएससी वेबसाइटवर जा.
  2. होम पेजवर दिलेली कॉन्स्टेबल जीडी अॅडमिट कार्ड / परीक्षा सिटी इन्फॉर्मेशन स्लिप डाउनलोड लिंकवर क्लिक करा.
  3.  लॉगिन करून आवश्यक माहिती भरा. 
  4. प्रवेशपत्र किंवा परीक्षा शहर सूचना स्लिप सबमिट करा आणि डाउनलोड करा.

एसएससी जीडी २०२५: रिक्त पदांचा तपशील

 

बीएसएफ (BSF) : १५६५४ जागा

सीआयएसएफ (CISF): ७१४५ जागा

सीआरपीएफ (CRPF) : ११५४१ जागा

एसएसबी ( SSB): ८१९ जागा

आयटीबीपी (ITBP) : ३०१७  रिक्त जागा

एआर (AR) : १२४८ जागा

एसएसएफ (SSF): ३५ जागा

एनसीबी (NCB): २२ जागा.

परीक्षेसाठी आवश्यक पात्रता -

उमेदवारांना या भरती परीक्षेसाठी उपस्थित राहण्यासाठी १ जानेवारी २०२५ रोजी किंवा त्यापूर्वी इयत्ता १० वी अंतिम परीक्षा उत्तीर्ण होणे आवश्यक आहे. या तारखेला त्यांचे वय १८ आणि २३ वर्षांपेक्षा जास्त नसावे.

एसएससी कॉन्स्टेबल जीडी भरती प्रक्रियेत संगणक-आधारित परीक्षा (सीबीई), त्यानंतर शारीरिक कार्यक्षमता चाचणी (पीईटी), शारीरिक मानक चाचणी (पीएसटी) आणि वैद्यकीय परीक्षा / कागदपत्र पडताळणीचा समावेश असेल.

संगणकावर आधारित ही परीक्षा १६० गुणांची असेल आणि परीक्षेचा कालावधी ६० मिनिटांचा असेल. ८० प्रश्न असतील, प्रत्येकी २ गुण असतील.

इंग्रजी, हिंदी आणि आसामी, बंगाली, गुजराती, कन्नड, कोकणी, मल्याळम, मणिपुरी, मराठी, ओडिया, पंजाबी, तमिळ, तेलुगू आणि उर्दू अशा १३ प्रादेशिक भाषांमध्ये ही परीक्षा घेण्यात येणार आहे.

Whats_app_banner

संबंधित बातम्या

विभाग
देश विदेशात बातम्या, राजकारण समाजकारण क्षेत्रात घडणाऱ्या प्रत्येक घडामोडीची ब्रेकिंग न्यूज मिळवा हिंदुस्तान टाइम्स मराठीवर