मराठी बातम्या  /  देश-विदेश  /  Bill Gates Viral Video: जेव्हा ‘मायक्रोसॉफ्ट’चे मालक बिल गेट्स खिचडीला फोडणी देतात... पाहा व्हिडिओ!

Bill Gates Viral Video: जेव्हा ‘मायक्रोसॉफ्ट’चे मालक बिल गेट्स खिचडीला फोडणी देतात... पाहा व्हिडिओ!

Ashwjeet Rajendra Jagtap HT Marathi
Mar 04, 2023 12:43 PM IST

Watch Video: केंद्रीय मंत्री स्मृती इराणी आणि बिल गेट्स यांचा खिचडी बनवत असतानाचा व्हिडिओ सोशल मीडियावर प्रचंड व्हायरल झाला आहे.

Smriti Irani, Bill Gates Viral Video
Smriti Irani, Bill Gates Viral Video

Smriti Irani teaches Bill Gates how to make khichdi: मायक्रोसॉफ्टचे संस्थापक बिल गेट्स यांनी महिला आणि बाल विकास मंत्रालयाने आयोजित केलेल्या 'पोषणाद्वारे सक्षमीकरण: नव्या भारतातील महिलांचा उत्सव' या कार्यक्रमात प्रमुख पाहुणे म्हणून सहभाग नोंदवला. या कार्यक्रमातील बिल गेट्स यांचा एक व्हिडिओ सध्या सोशल मीडियावर धुमाकूळ घालत आहे. या कार्यक्रमात केंद्रीय मंत्री स्मृती इराणी यांनी बिल गेट्स यांना खिचडी बनवायची शिकवली. त्यानंतर स्वत: बिल गेट्स यांनी खिचडीला फोडणीदेखील दिली आहे. या दोघांचा व्हिडिओवर अनेकजण कमेंट आणि लाईक्सचा वर्षाव करीत आहेत.

दरम्यान, स्मृती इराणी यांनी आपल्या अधिकृत ट्विटर हँडलवरून एक व्हिडिओ शेअर केला आहे. या व्हिडिओत त्या बिल गेट्स यांना खिचडी कशी बनवतात? हे शिकवताना दिसत आहेत. त्यानंतर स्वत: बिल गेट्स यांनी खिचडीला फोडणी दिली आहे. व्हिडीओ शेअर करत स्मृती ईराणी यांनी कॅप्शनमध्ये लिहिले आहे की, ‘भारतातील सुपर फूड… जेव्हा बिल गेट्स यांनी खिचडीला फोडणी दिली…’ सध्या हा व्हिडीओ सोशल मीडियावर तुफान व्हायरल होत आहे.

या व्हिडिओवर मजेदार कमेंट येत आहेत. काहीजणांनी भारतातील पारंपारिक शाकाहारी अन्नाची ओळख जगाला व्हावी, असे म्हटले आहे. तर, एक जणाने या खिचडीला मायक्रोसॉफ्ट खिचडी म्हणून ओळखले जाईल, अशी कमेंट केली आहे.

WhatsApp channel

विभाग