धीरज साहू भाजपमध्ये गेले तर लगेच स्वच्छ होतील; खासदार प्रियांका चतुर्वेदींचा अमित शाहांना टोला

केंद्रीय गृहमंत्री अमित शाह यांनी साहू प्रकरणावरून इंडिया आघाडीला लक्ष्य केलं होतं. 'साहूंच्या भ्रष्टाचारावर काँग्रेसनं गप्प बसणं साहजिक आहे. कारण, भ्रष्टाचार ही त्यांची प्रवृत्ती आहे. मात्र, जेडीयू, आरजेडी, द्रमुक आणि सपा हे सगळे गप्प बसले आहेत. पंतप्रधान मोदी हे तपास यंत्रणांचा गैरवापर करत असल्याची मोहीम या लोकांनी का चालवली हे आता पुढं येतंय. भ्रष्टाचार चव्हाट्यावर येण्याची भीती त्यांना आहे, असं शाह म्हणाले होते.

Article 370 Verdict: जम्मू- काश्मीरमध्ये ३० सप्टेंबरपर्यंत निवडणुका घ्या, सुप्रीम कोर्टाचे निर्देश

प्रियांका चतुर्वेदी यांनी शाह यांच्या टीकेला उत्तर दिलं आहे. 'साहू यांच्यासोबत उभं राहणं म्हणजे त्यांच्या कृतीचं समर्थन करणं असं होत नाही. भाजप आरोप करण्याची संधीच शोधत असतो. सगळे विरोधी पक्ष साहू यांच्या पाठीशी आहेत असं म्हणणं चुकीचं आहे. साहू हे अनेक वर्षांपासून काँग्रेसमध्ये आहेत. त्यांच्या व्यावसायिक हितसंबंधांचा दोष पक्षाला देणं चुकीचं आहे, असं प्रियांका चतुर्वेदी म्हणाल्या.

'साहू हे भाजपमध्ये सहभागी झाले तर ते लगेच स्वच्छ होतील. मोदींच्या वॉशिंग मशीनमधून त्यांना काढलं जाईल आणि सर्व आरोपांपासून त्यांना मुक्त केलं जाईल, असा टोला चतुर्वेदी यांनी हाणला.

साहूंच्या घरात पैशांचा पर्वत

धीरज साहू यांच्या घरी ६ डिसेंबर रोजी सर्वप्रथम इन्कम टॅक्स विभागानं छापा टाकला होता. त्यांच्याकडं बेहिशेबी मालमत्ता आढळल्याचं लक्षात येताच ईडी आणि सीबीआयनं देखील विविध ठिकाणी छापे टाकले. साहू यांच्या घरात अक्षरश: नोटांचे ढीग सापडले. १७६ बॅगा पैशांनी भरलेल्या होत्या. त्यात एकूण ३५३ कोटी रुपये होते. तीन बँकांचे ८० कर्मचारी या पैशाची मोजदाद करत होते. तब्बल ५ दिवसांनंतर नोटांची मोजणी पूर्ण झाली. तपास यंत्रणांना आतापर्यंतच्या धाडीत मिळालेली ही सर्वाधिक रक्कम आहे.

Viral Video: शाळेतील विद्यार्थ्यानं वडिलांवर लिहिलेला निबंध वाचला; ऐकून शिक्षकानं डोक्यावर मारला हात!