गावात सुरू झाली SBI ची शाखा; लाच घेऊन नोकऱ्या दिल्या, ठेवी स्वीकारल्या अन् नंतर समोर आला धक्कादायक प्रकार

ही बँक वैभवी कॉम्प्लेक्स नावाच्या इमारतीत सुरू होती व कोणाला शंकाही येणार नाही इतक्या बेमालुमपणे सुरू होती. गावात बँक सुरू होताच लोकांनी आपले पैसे बँकेत जमा करायला सुरू वात केली.

सप्टेंबरच्या शेवटच्या आठवड्यात छपोरा गावात स्टेट बँक ऑफ इंडियाच्या नावानं एक शाखा सुरू झाली. आता बँकेची कामं गावातच होतील, यामुळे ग्रामस्थ आनंदित होतं. मात्र त्यांचा आनंद फार काळ टिकू शकला नाही.

 टुरिस्ट बसची खिडकी उघडी पाहून बिबट्याची झडप, पुढं काय घडलं? पाहाच!

तोतयागिरीचा पर्दाफाश कसा झाला?

सर्वप्रथम डबरा SBI शाखेच्या व्यवस्थापकाला या शाखेबाबत संशय आहे. २७ सप्टेंबर रोजी त्यांनी पोलीस व SBI अधिकाऱ्यांना याबाबत माहिती दिली. त्यानंतर चौकशी सुरू झाली. जेव्हा अधिकारी छपोरा गावात पोहोचले तेव्हा समोर आले की, स्टेट बँकेची ही खरी शाखा नसून बनावट शाखा आहे. बँकेत SBI चे बॅनर-पोस्टर लावले होते. काउंटरही अन्य स्टेट बँकेसारखेच बनवले होते. अनेक लोक या बँकेत खाते सुरू करून आर्थिक व्यवहार करत होते.

महिलेने मुलासोबत बनवली रील; व्हिडिओ पाहून नेटकऱ्यांनी दिल्या ‘अशा’ प्रतिक्रिया

कर्मचाऱ्यांची नियुक्तीही बनावट -

या बँकेने केवळ गावकऱ्यांनाच चुना लावला असे नाही तर नोकरीच्या नावावर बेरोजगार तरुणांनाही गंडा घातला आहे. मॅनेजर, कॅशियर, मार्केटिंग ऑफिसर आणि कम्प्यूटर ऑपरेटर आदि पदांवर भरती करण्यासाठी तरुणांकडून २ ते ६ लाख रुपयांची लाच घेतली गेली. त्यांना हुबेहुब दिसणारे ऑफर लेटरही देण्यात आले. त्यांना बँकिंग व्यवहाराची संपूर्ण ट्रेनिंग दिली गेली. 

भाड्याच्या जागेत चालवली जात होती बँक- 

ही बनावट बँक गावातील तोष चंद्र यांच्या भाड्याच्या कॉम्प्लेक्समध्ये चालवली जात होते. त्यांना प्रतिमहिना ७ हजार भाडे दिले जात होते. पोलिसांनी ही बनावट शाखा सील केली असून तपास सुरू आहे. या घटनेमुळे समजते की, धोकेबाज गरीब, अशिक्षित तसेच बेरोजगार तरुणांना लुटण्यासाठी काय-काय फंडे करू शकतात. लोकांना अशा फसवणुकीपासून सावध राहण्याची गरज आहे.