मराठी बातम्या  /  देश-विदेश  /  Russia terrorist attack : रशियात २६/११ सारखा दहशतवादी हल्ला; ६० ठार, १०० हून अधिक जखमी

Russia terrorist attack : रशियात २६/११ सारखा दहशतवादी हल्ला; ६० ठार, १०० हून अधिक जखमी

Ashwjeet Rajendra Jagtap HT Marathi
Mar 23, 2024 10:42 AM IST

Terrorist Attack In Russia: मॉस्कोतील कॉन्सर्ट हॉलमध्ये दहशतवाद्यांनी केलेल्या गोळीबारात ६० जणांचा मृत्यू झाला आहे. तर, अनेकजण जखमी झाले आहेत.

रशियाच्या मॉस्कोतील कॉन्सर्ट हॉलमध्ये दहशतवाद्यांनी हल्ला केला.
रशियाच्या मॉस्कोतील कॉन्सर्ट हॉलमध्ये दहशतवाद्यांनी हल्ला केला. (REUTERS)

Russia Moscow concert hall Terrorist Attack: मॉस्कोचे राष्ट्राध्यक्ष व्लादिमीर पुतिन यांनी अत्यंत सुनियोजित निवडणुकीत देशावर आपली पकड मजबूत केल्यानंतर काही दिवसांनी मॉस्कोच्या किनाऱ्यावरील एका मोठ्या कॉन्सर्ट हॉलमध्ये घुसून दहशतवाद्यांनी पाहुण्यांवर हल्ला केला. या हल्ल्यात ६० जण ठार झाले आहेत. तर, १०० हून अधिक जण जखमी झाले आहेत. इस्लामिक स्टेटने या हल्ल्याची जबाबदारी स्वीकारली आहे.

रशियन रॉक बँड पिकनिकच्या परफॉर्मन्ससाठी गर्दी जमली असताना हा हल्ला झाला. रशियाच्या फेडरल सिक्युरिटी सर्व्हिसने ६० जणांचा मृत्यू झाला असून १०० हून अधिक जण जखमी झाल्याची माहिती दिली. परंतु, हल्लेखोरांनी स्फोटके फेकल्यानंतर लागलेल्या आगीत आणखी लोक अडकले असण्याची शक्यता काही रशियन वृत्तपत्रांनी व्यक्त केली. आरोग्य अधिकाऱ्यांनी १४५ जखमींची यादी जाहीर केली. त्यापैकी ११५ रुग्णालयात दाखल आहेत, ज्यात पाच मुलांचा समावेश आहे.

isis india head arrested : मोठी बातमी! इसिसच्या भारतातील दोन म्होरक्यांना अटक! निवडणुकीत घातपात करण्याचा होता मोठा डाव

मिळालेल्या माहितीनुसार, सैनिकांच्या वेशात अनेक जण कॉन्सर्ट हॉलमध्ये घुसले आणि त्यांनी कॉन्सर्टमध्ये सहभागी होणाऱ्यांवर गोळीबार केला. रशियन माध्यमांनी आणि टेलिग्राम चॅनेलवर पोस्ट केलेल्या व्हिडिओमध्ये वारंवार गोळीबाराचा आवाज ऐकू येत आहे. एका व्हिडिओत रायफल घेऊन दोन जण कॉन्सर्ट हॉलमध्ये फिरताना दिसत आहेत. तर, दुसऱ्या व्हिडिओत प्रेक्षागृहातील दहशतवाद्यांनी सभागृहाला आग लावल्याचे एक व्यक्ती सांगत आहे. अन्य व्हिडिओमध्ये चार दहशतवादी असॉल्ट रायफल घेऊन पॉईंट ब्लॅंक रेंजवर ओरडणाऱ्या लोकांवर गोळ्या झाडताना दिसत आहेत.

रशियाच्या अधिकाऱ्यांनी सांगितले की, मॉस्कोचे विमानतळ, रेल्वे स्थानके आणि राजधानीतील भुयारी मार्गावरील सुरक्षा व्यवस्था कडक करण्यात आली आहे. रशियाच्या इतर भागांनीही सुरक्षा व्यवस्था कडक केली.

रशियाच्या काही लोकांनी यामागे युक्रेनचा हात असल्याचा आरोप केला आहे. या हल्ल्याच्या काही तास आधी रशियन लष्कराने युक्रेनच्या वीज यंत्रणेवर जोरदार हल्ला चढवला होता. ज्यामुळे देशातील सर्वात मोठा जलविद्युत प्रकल्प आणि इतर ऊर्जा सुविधा कोलमडल्या होत्या. ज्यामुळे दहा लाखांहून अधिक लोकांना विजेपासून वंचित राहावे लागले.

मॉस्कोच्या कॉन्सर्ट हॉलमध्ये झालेल्या भीषण दहशतवादी हल्ल्याचा पंतप्रधान नरेंद्र मोदी यांनी निषेध केला आहे. मॉस्कोतील भीषण दहशतवादी हल्ल्याचा आम्ही तीव्र शब्दात निषेध करतो, असे मोदी यांनी 'एक्स' या सोशल मीडिया पोस्टमध्ये म्हटले आहे. या दु:खाच्या क्षणी भारत सरकार आणि रशियन फेडरेशनच्या जनतेच्या पाठीशी उभा आहे.

WhatsApp channel

विभाग