बेरोजगारांना खूशखबर! रेल्वे ग्रुप डी भरतीसाठी आता ITI बंधनकारक नाही! १० वी पास देखील करू शकणार अर्ज

रेल्वे बोर्डाने २ जानेवारी रोजी सर्व रेल्वे झोनला पाठवलेल्या लेखी सूचनांमध्ये म्हटले आहे की, या प्रकरणाचा आढावा घेतल्यानंतर आधीच्या सूचनांमध्ये बदल करण्याचा निर्णय घेण्यात आला आहे. नव्या नियमांनुसार उमेदवाराकडे कोणताही डिप्लोमा नसला तरी आणि तो दहावी पास असला तरी त्याला आता या भरतीसाठी अर्ज करता येणार आहे.  

रेल्वे ग्रुप डी १ पदासाठी २३ जानेवारी पासून करता येणार अर्ज 

रेल्वे लेव्हल -१  पदांच्या सुमारे ३२००० पदांची भरती केली जाणार आहे. या साठी उमेदवारांना ऑनलाइन अर्ज करता येणार आहे. ही अर्ज  प्रक्रिया २३  जानेवारी २०२५  पासून सुरू होईल. अर्ज करण्याची शेवटची तारीख २२ फेब्रुवारी २०२५  आहे. त्यानुसार उमेदवाराचे वय ०१  जुलै २०२५ पासून ग्राह्य धरले जाणार आहे.  या भरतीची संक्षिप्त सूचना (सेंट्रलाइज्ड एम्प्लॉयमेंट नोटिफिकेशन (सीईएन) क्र. 08/2024) भारत सरकारच्या एम्प्लॉयमेंट न्यूजमध्ये प्रसिद्ध करण्यात आली आहे. आरआरबी ग्रुप डी परीक्षा सीबीटी मोडमध्ये घेतली जाणार आहे.  

संतोष देशमुख हत्या प्रकरणातील आणखी दोन आरोपींच्या मुसक्या आवळल्या; सुदर्शन घुले, सुधीर सांगळे या दोघांना पुण्यातून अटक

गेल्या काही महिन्यांतील विविध रेल्वे भरतीप्रमाणेच ‘गट ड’ भरतीच्या नोटिशीतही कमाल वयोमर्यादेत तीन वर्षांची सूट देण्यात आली आहे. कोविड महामारीमुळे 'गट ड; भरतीची कमाल वयोमर्यादा तीन वर्षांनी शिथिल करण्यात आली आहे. कमाल वयोमर्यादा ३३ ऐवजी ३६ वर्षे निश्चित करण्यात आली आहे. ही सवलत केवळ एकदाच असल्याचे ही सांगण्यात आले आहे.

जनरल/ओबीसी प्रवर्गातील उमेदवारांसाठी अर्ज शुल्क ५०० रुपये आहे (सीबीटीमध्ये बसण्यासाठी ४००  रुपये परत केले जातील) आणि एससी / एसटी / ईबीसी / महिला / तृतीयपंथी साठी२५०  रुपये (सीबीटीमध्ये उपस्थित राहिल्यावर संपूर्ण शुल्क परत केले जाईल).

साक्षीदार असलेल्या व्यापाऱ्याची गोळ्या झाडून हत्या! मिरा रोडच्या शांती सेंटरमधील धक्कादायक घटना