लग्नाहून परतताना काळाचा घाला; भीषण अपघात वधुपित्यासह ६ जणांचा मृत्यू, पाच घटनात २६ जणांचा मृत्यू

उत्तराखंडमधील खटीमा कोतवाली भागातील जामोर गावात राहणाऱ्या हुस्ना बी यांची मुलगी मंजूर अहमद हिचा विवाह पीलीभीतमधील सदर कोतवाली भागातील चांदोई गावात राहणाऱ्या अन्वर याच्याशी बुधवारी झाला. गुरुवारी सायंकाळी अन्वर यांच्या घरातील लोकांनी आपल्या घरातील चांदोई येथे वालिमा (चौथ) ची मेजवानी ठेवली होती. या कार्यक्रमात सहभागी होण्यासाठी मुलीच्या बाजूचे नातेवाईक खटीमा व आजूबाजूच्या भागातून आले होते. मेजवानी आटोपल्यानंतर रात्री १० वाजता सर्व जण तीन गाड्यांमध्ये बसून खटीमाला जाण्यासाठी निघाले.  कारओव्हरटेक करण्याच्या नादात कारचालकाचे कारवरील नियंत्रण सुटले आणि कार महामार्गाच्या कडेला उभ्या असलेल्या झाडावर आदळली.

‘अल्लाह’ म्हटल्यानं तीन लहान मुलांना मारहाण, जबरदस्तीने द्यायला लावले ‘जय श्री राम’चे नारे

पिलीभीत जिल्ह्यातील न्यूरिया क्षेत्रातील टकनपूर महामार्गावर लग्नाहून परतणारी कार झाडावर आदळल्याची घटना घडली. अपघाताच्या घटनेनंतर स्थानिकांनी तत्काळ घटनास्थळी धाव घेतली. त्यानंतर, पोलीसही घटनास्थळी दाखल झाले, मदत व बचाव कार्य सुरू करण्यात आले. मात्र, तोपर्यंत कारमधील ६ जणांचा मृत्यू झाला होता. अपघातातील जखमींना रुग्णालयात दाखल करण्यात आले. या कारमधून ११ जण प्रवास करत होते, त्यातील ५ जखमींना रुग्णालयात दाखल करण्यात आलं आहे.

अपघातानंतर पादचाऱ्यांनी पोलिसांना माहिती दिली. माहिती मिळताच पोलिस ठाण्याच्या प्रमुख नेरिया रूपा फौजफाटा घेऊन घटनास्थळी दाखल झाल्या. मोठ्या मेहनतीनंतर पोलिसांनी जेसीबी आणि कटर आदींच्या साहाय्याने कार कापून जखमींना बाहेर काढले. कारमध्ये ड्रायव्हरसह १० जण होते. या सर्वांना जिल्हा रुग्णालयात आणण्यात आले.  

मुस्लिमांना एकाच गाडीत घातलं अन् एकाच वेळी ३८ जणांना घातल्या गोळ्या; काय आहे हाशिमपुरा नरसंहार?

५ घटनांमध्ये २६ जणांचा मृत्यू -

यूपीमध्ये शुक्रवार हा अपघातांचा दिवस बनला आहे. आधी पीलीभीत, मग चित्रकूट, मग कन्नौजमध्ये भीषण अपघात झाला आहे. डबल डेकर बस आणि टँकरची धडक झाली आहे. या दुर्घटनेत आठ जणांचा मृत्यू झाला आहे. तर चाळीस जण जखमी झाले आहेत. यातील १७ जणांची प्रकृती चिंताजनक आहे. अपघातानंतर डबल डेकर बस रस्त्याच्या कडेला उलटली. लखनौ-आग्रा एक्स्प्रेस वेवर हा अपघात झाला. साकरावा-सौरिच पोलीस ठाण्याच्या हद्दीत हा अपघात झाला. ही बस लखनौहून आग्र्याकडे जात होती. ज्या पाण्याच्या टँकरला बसची धडक बसली ती यूपीडाची असल्याचे सांगितले जात आहे. आतापर्यंत पाच अपघातांमध्ये २६ जणांचा मृत्यू झाला आहे. लखनौ आणि महोबा येथे झालेल्या अपघातात तिघांना आपला जीव गमवावा लागला आहे. पंतप्रधान नरेंद्र मोदी यांनी या दुर्घटनेबद्दल दु:ख व्यक्त केले असून मृतांच्या कुटुंबियांना प्रत्येकी दोन लाख रुपयांची मदत जाहीर केली आहे. जखमींना ५० ते ५० हजार रुपये मिळतील.

चित्रकूटमध्ये जीप आणि ट्रकची समोरासमोर धडक होऊन झालेल्या अपघातात सहा जण ठार झाले. रायपुरा पोलिस ठाण्याच्या हद्दीत ही घटना घडली. जीप प्रयागराजहून येत असताना ट्रक रायपुराहून प्रयागराजकडे जात असताना अचानक दोघांची धडक झाली. जीपमध्ये ११ जण होते. त्यापैकी सहा जणांचा मृत्यू झाला असून पाच जणांना रेफर करण्यात आले आहे.