Republic Day 2025: प्रजासत्ताक दिनाच्या परेडसाठी ऑनलाइन तिकीट कसं बुक करावं? वाचा
Republic Day 2025 Parade Tickets: दिल्लीत प्रजासत्ताक दिनाच्या कार्यक्रमासाठी ऑनलाइन तिकीट कसे बुक करायचे? त्याबाबत सविस्तर माहिती जाणून घेऊयात.
Republic Day 2025 Parade Online Ticket: भारतात दरवर्षी २६ जानेवारी रोजी आपला प्रजासत्ताक दिन साजरा केला जाणार आहे. या दिवशी दिल्लीत परेड आणि बीटिंग रिट्रीटच्या कार्यक्रमांचे आयोजन केले जाते. हे कार्यक्रम पाहण्यासाठी भारतीयांची मोठी गर्दी असते. या कार्यक्रमाच्या तिकिटांची सरकारी पोर्टलच्या माध्यमातून २ जानेवारी २०२५ पासून विक्री केली जात आहे. याशिवाय, या कार्यक्रमांचा अनेक चॅनेलवर लाईव्ह टेलिकास्ट सुरु असतो, जेणेकरून प्रत्येक भारतीयाला या कार्यक्रमांचा आनंद घेता येईल.
परेडसाठी तिकिट बुक करण्याची किंमत २० रुपयांपासून सुरू होते. याबाबत संरक्षण मंत्रालय, भारत सरकारच्या एक्स अकाऊंटवर पोस्ट करत माहिती देण्यात आली आहे.
किंमत
- प्रजासत्ताक दिन परेड: १०० रुपये आणि २० रुपये प्रति तिकीट
- बीटिंग रिट्रीट फुल ड्रेस रिहर्सल: २० रुपये प्रति तिकीट
- बीटिंग रिट्रीट सेरेमनी: १०० रुपये प्रति तिकीट
ऑनलाइन तिकीट कसे बुक करायचे?
- सर्वात प्रथम www.aaamantran.mod.gov.in. या अधिकृत वेबसाइटला भेट द्या.
- यानंतर तुमचा आवडता इव्हेंट निवडा
- मग तुमचे ओळखपत्रे आणि मोबाइल क्रमांक सबमिट करा.
- यानंतर किती तिकिट बुक करायचे आहेत त्यानुसार पेमेंट करा.
ऑफलाइन तिकीट कसे करायचे?
ज्या लोकांना ऑफलाइन पद्धतीने तिकीट बुक करायचे आहे, त्यांच्यासाठी दिल्लीत अनेक ठिकाणी फिजिकल बूथ आणि काउंटर तयार करण्यात आले. ऑफलाइन तिकीट बुक करण्यासाठी संबंधित व्यक्तीने ओळखपत्र सोबत ठेवणे आवश्यक आहे.
मोबाइल ॲपद्वारे तिकीट करण्यासाठी ‘या’ स्टेप्स करा फॉलो
- सर्वप्रथम गुगल प्ले स्टोअर किंवा ऍपल ॲप स्टोअरवरून ‘आमंत्रण’ ॲप इन्स्टॉल करा.
- ॲप इन्स्टॉल केल्यानंतर आवश्यक माहिती भरून आवडता इव्हेंट निवडा.
- यानंतर पैसे भरून तिकीट बूक करू करा.
संबंधित बातम्या