चर्चच्या आतमध्ये मिळाले मंदिराचे अवशेष, सुरू झाली पूजा; अनोखा इतिहासही आला समोर
ही जमीन एकेकाळी एका ब्राह्मण कुटुंबाच्या मालकीची होती, परंतु सुमारे शतकभरापूर्वी मंदिराचे भग्नावशेषात रूपांतर झाले आणि हळूहळू ही जमीन हिंदू मालकांकडून ख्रिश्चन समाजाच्या ताब्यात गेली.
केरळमधील एका मंदिराच्या आवारात खोदकाम केल्यानंतर तेथे मंदिराचे अवशेष आढळून आल्यानंतर चर्चमध्ये पूजा करण्यास परवानगी देण्यात आली आहे. केरळमधील पलाई येथील कॅथलिक चर्चच्या जागेवर उत्खननादरम्यान एका प्राचीन मंदिराचे अवशेष सापडले आहेत. या ठिकाणाहून शिवलिंगासह अनेक धार्मिक चिन्हे समोर आली आहेत, त्यानंतर परिसरात चर्चा सुरू झाली. विशेष म्हणजे चर्च प्रशासनाने सौहार्दपूर्ण पवित्रा घेत हिंदू समाजाला तेथे पूजा अर्चा करण्याची परवानगी दिली आहे.
१.८ एकर जागेवर कसावा (टॅपिओका) लागवडीसाठी उत्खनन सुरू असताना हे अवशेष सापडले. हे ठिकाण श्री वनदुर्गा भगवती मंदिरापासून सुमारे १ किलोमीटर अंतरावर आहे. मंदिर समितीच्या सदस्यांनाही या शोधामुळे आश्चर्याचा धक्का बसला असून मंदिराचा इतिहास आणि त्याचे पावित्र्य याविषयी योग्य मार्गदर्शन करण्यासाठी या ठिकाणी देवप्रसन्नम ((पूजा अनुष्ठान) करण्याचा निर्णय घेण्यात आला आहे.
चर्च प्रशासनाने दिली पूजा करण्याची परवानगी -
श्री वनदुर्गा भगवती मंदिर समितीचे सदस्य विनोद के. एस. यांनी सांगितले की, ४ फेब्रुवारी रोजी अवशेष सापडले होते, परंतु स्थानिकांना दोन दिवसांनंतर जेव्हा तेथे दिवे प्रज्वलित केले गेले तेव्हाच याची माहिती मिळाली. यानंतर मंदिर समितीने पलाई धर्मप्रांताच्या पुजाऱ्यांशी संपर्क साधला आणि चर्चने याबाबत सकारात्मक भूमिका घेतली. हिंदू समाजाच्या भावनांचा आदर करून देवप्रसनमला परवानगी देण्यास चर्च प्रशासनाने आक्षेप घेतला नाही.
पलाई धर्मप्रांताचे कुलपती फादर जोसेफ कुटियांकल यांनीही जमिनीवरून मंदिराचे अवशेष सापडल्याच्या वृत्ताला दुजोरा दिला. ते म्हणाले की, चर्च आणि हिंदू समुदायाचे नेहमीच सौहार्दपूर्ण संबंध आहेत आणि ते संबंध कायम ठेवण्याची त्यांची इच्छा आहे. चर्च हिंदू समाजाच्या मागण्यांबाबत संवेदनशील असून शांतता आणि परस्पर प्रेमाला प्राधान्य देते, असे त्यांनी स्पष्ट केले.
समोर आला अनोखा इतिहास -
मीनाचिल (पलाई) येथील हिंदू महासंघाचे अध्यक्ष अॅड.राजेश पालट यांनी चर्चच्या या निर्णयाचे स्वागत केले आणि सांगितले की, मंदिराच्या अस्तित्वाच्या कहाण्या त्यांच्या पूर्वजांकडून ऐकल्या गेल्या होत्या. ही जमीन एकेकाळी ब्राह्मण कुटुंबाची होती असे म्हटले जाते, परंतु सुमारे शतकभरापूर्वी मंदिराचे भग्नावशेषात रूपांतर झाले आणि हळूहळू ही जमीन हिंदू मालकांकडून ख्रिश्चन समाजाच्या ताब्यात गेली. आता मंदिराचे अवशेष सापडल्याने त्याचे ऐतिहासिक सत्य जाणून घेण्याची उत्सुकता लोकांना लागली आहे.
Shrikant Ashok Londhe
संबंधित बातम्या