Delhi Coaching Centre : राऊ आयएएस कोचिंग सेंटरकडून मृत विद्यार्थ्यांच्या कुटूंबीयांना प्रत्येकी ५० लाखांची आर्थिक मदत

जीव गमावलेल्या प्रत्येक विद्यार्थ्याला ५० लाख रुपयांची नुकसान भरपाई देण्याची आमची तयारी आहे. ताबडतोब २५ लाख रुपये आणि संस्थेचे सीईओ अभिषेक बाहेर आल्यावर २५ लाख रुपये दिले जाणार आहेत. येच्या सहा महिन्यात संपूर्ण रक्कम दिली जाईल. असे आश्वासन सेंटरकडून दिले आहे. वेगवेगळ्या लोकांच्या वेगवेगळ्या अपेक्षा असतात, मी एक मेसेंजर आहे," असं अॅडव्होकेट मोहित सराफ यांनी एएनआयला सांगितलं.

दिल्लीतील जुने राजेंद्र नगर येथील राऊ स्टडी सर्कल कोचिंगमध्ये बेसमेंटमध्ये पाणी भरल्याने तीन विद्यार्थ्यांचा बुडून मृत्यू झाला. या प्रकरणी पोलिसांनी ग्रुपचे सीईओ अभिषेक गुप्ता यांच्यासह अनेकांना अटक केली आहे.

घटनेच्या वेळी राऊ कोचिंगजवळून जाणाऱ्या कारचालकालाही पोलिसांनी अटक केली होती. कारने विस्थापित केलेले पाणी तळघरात शिरल्याचे त्यांनी सांगितले.

स्थानिक न्यायालयाने आज त्याची जामिनावर सुटका केली. अतिरिक्त सत्र न्यायाधीश राकेश कुमार यांनी आरोपींना या प्रकरणाबाबत कोणत्याही प्रकारे प्रिंट आणि इलेक्ट्रॉनिक मीडियाला भाष्य करू नये, असे निर्देश दिले आहेत.

आरोपीची बाजू मांडताना वरिष्ठ वकील विकास पाहवा म्हणाले की, घटनेच्या वेळी रस्त्यावर किती  पाणी होते आणि त्याच्या एसयूव्हीमुळे विस्थापित झालेल्या पाण्याचे प्रमाण आणि विस्थापित पाण्यामुळे प्रभावित झालेल्या लोखंडी दरवाजाची तन्यता यासह आवश्यक वैज्ञानिक माहिती देण्यात सरकारी पक्ष अपयशी ठरला आहे.

Rahul Gandhi : ‘वडिलांना गमावलं, तेव्हा ज्या दु:खात होतो, तितकंच दु:ख आजही’; वायनाड दुर्घटनेवर राहुल गांधी भावुक!

एसयूव्ही चालकाला जामीन मंजूर -

जुना राजेंद्र नगर येथे २७ जुलै रोजी झालेल्या यूपीएससीच्या तीन उमेदवारांच्या दुर्दैवी मृत्यूप्रकरणी अटक करण्यात आलेल्या एसयूव्ही चालकाला दिल्लीच्या तीस हजारी कोर्टाने गुरुवारी जामीन मंजूर केला.

मनुज कथूरिया (५०) या व्यावसायिकाने मध्य दिल्लीतील जुने राजिंदर नगर येथील पावसात भरलेल्या रस्त्यावरून आपली स्पोर्ट्स युटिलिटी व्हेइकल (एसयूव्ही) चालवली, ज्यामुळे तीन मजली राऊच्या आयएएस स्टडी सर्कल इमारतीचे दरवाजे तुटले आणि तळघरात पाणी शिरले.

पोलिसांनी त्याला सोशल मीडियावर मोठ्या प्रमाणात शेअर केलेल्या व्हिडिओच्या आधारे अटक केली होती, ज्यात आरोपी त्याच्या वाहनातून कोचिंग इन्स्टिट्यूटजवळून अत्यंत वेगाने जात असल्याचे दिसून आले आणि नंतर इमारतीचे गेट खराब झाल्याचे आढळले.

कथुरिया यांची पत्नी शिमहाद यांनी सांगितले की, त्यांचे पती मेट्रो स्थानकावर दोन पाहुण्यांना सोडण्यासाठी जात होते, दिल्ली पोलिस त्यांना विनाकारण अडकवण्याचा प्रयत्न करत आहेत.

बुधवारी तीस हजारी कोर्टाने मनोज कथुरिया आणि बेसमेंटच्या चार सहमालकांचा जामीन अर्ज फेटाळून लावला. न्यायदंडाधिकारी विनोद कुमार यांनी आपल्या आदेशात म्हटले आहे की, कथुरिया यांच्यावरील आरोप गंभीर स्वरूपाचे आहेत.