Ram Lalla Idol: किती मनमोहक रुप..! प्राणप्रतिष्ठेपूर्वीच रामल्लाच्या मूर्तीची पहिली झलक समोर, पाहा PHOTO

गुरुवारी नवनिर्मित मंदिराच्या गर्भगृहात रामलल्लाची मूर्ती विराजमान करण्यात आली. रामलल्लाची मूर्ती  विराजमान करण्यापूर्वी ४ तासा पूजा सुरू होती. मंत्रोच्चार विधी व पूजन करून भगवान रामाची मूर्ती चांदीच्या आसनावर विराजमान करण्यात आली. यावेळी मूर्तीकार योगीराज आणि अन्य संतही उपस्थित होते. 

रामलल्लाच्या प्राणप्रतिष्ठेपनासाठी शुभ मुहूर्त सोमवारी दुपारी १२ वाजून २० मिनिटांचा आहे.  पंतप्रधान नरेंद्र मोदी यांच्या हस्ते प्राण प्रतिष्ठापना करण्यात येणार आहे. 

अयोध्येच्या भव्य राम मंदिरात प्राणप्रतिष्ठा होणाऱ्या रामलल्लाच्या मूर्तीचा पहिला फोटो समोर आला आहे. मूर्तीचे रुप सर्वांच्या मनात भरले असून मूर्तीच्या चेहऱ्यावरचे भाव स्पष्ट पाहता येत आहे. मूर्ती काळ्या पाषाणापासून बनलेली आहे जी त्याचे भव्य बालस्वरूप दर्शवते. भगवंतांच्या कपाळावर तिलक असून एका हातात धनुष्य व दुसऱ्या हातात बाण आहे. रामललाच्या चेहऱ्यावर हलके हसू आहे आणि त्यांचे डोळे उघडे आहेत. मात्र, रामलल्लाचा हा फोटो गर्भगृहात बसण्यापूर्वीचा आहे. अयोध्येत २२ जानेवारीला होणाऱ्या प्राणप्रतिष्ठा विधींना १६ जानेवारीपासून  सुरुवात झाली आहे.