ना आइसस्क्रीम खाऊ शकला असता, ना मोटारसायकल चालवू शकला असता; अमित शहांचा राहुल गांधींवर निशाणा

जम्मू-काश्मीरमधील रामबन येथे एका प्रचारसभेत बोलताना अमित शहा म्हणाले की, आम्ही काश्मीरला सुरक्षित केले आहे. आज राहुल बाबा काश्मीरमध्ये बाईक चालवून लाल चौकात आईस्क्रीमचा आस्वाद घेताना मोदींना शिवीगाळ करत आहेत. राहुलबाबा, तुम्ही मोदींना शिव्या देत आहात?, पण तुमच्या सरकारमध्ये ते शक्य नव्हतं. मोदींनी दहशतवाद मातीत गाडला आहे. जर तुमचे सरकारमध्ये असते तर तुम्हाला ना आईस्क्रीम खाता आलं असतं, ना बाईक चालवता आली असती.

गेल्या महिन्यात राहुल गांधी यांच्या जम्मू-काश्मीर दौऱ्यातील एका व्हिडिओचा संदर्भ देत शहा बोलत होते, ज्यात काँग्रेस खासदार श्रीनगरमधील लाल चौकात जेवणानंतर आईस्क्रीम पार्लरमधून बाहेर येताना दिसत होते. याआधी भारत जोडो न्याय यात्रेदरम्यान राहुल गांधी लडाखमध्ये बाइक चालवताना दिसले होते.

राहुल गांधी यांची जीभ छाटणाऱ्यास ११ लाख देणार; शिंदे सेनेच्या आमदाराच्या वक्तव्यामुळं मोठा वाद

काँग्रेसचे ज्येष्ठ नेते आणि माजी केंद्रीय गृहमंत्री सुशीलकुमार शिंदे यांना ही टोला लगावत अमित शहा म्हणाले की, माजी गृहमंत्री आता श्रीनगरच्या लाल चौकात कोणत्याही भीतीशिवाय फिरू शकतात. जम्मू-काश्मीरमधील रामबन येथील प्रचारसभेत अमित शहा म्हणाले, 'काँग्रेस सरकारच्या काळात गृहमंत्री असलेले सुशीलकुमार शिंदे यांनी नुकतेच असे वक्तव्य केले आहे की, त्यावेळी ते लाल चौकात येण्यास घाबरत होते. यावर शहा म्हणाले की, शिंदे साहेब, आता तुमच्या मुलांसोबत लाल चौकात फिरा. तुमचे नुकसान करण्याचे धाडस कोणीही करू शकत नाही.

जम्मू-काश्मीरमध्ये नॅशनल कॉन्फरन्स आणि कॉंग्रेसची आघाडी सरकार स्थापन करू शकणार नाही, असा दावा शहा यांनी किश्तवाडच्या दुसऱ्या बैठकीत केला. भाजपचे उमेदवार आणि माजी मंत्री सुनील शर्मा यांच्या समर्थनार्थ पडर-नागसेनी विधानसभा मतदारसंघात आयोजित प्रचार सभेत अमित शहा म्हणाले की, १९९० मध्ये दहशतवाद वाढल्यापासून बलिदानाचा इतिहास असलेल्या या भागातील जनतेला आणि संपूर्ण जम्मू-काश्मीरच्या जनतेला आज मी वचन देतो की आम्ही दहशतवादाला इतक्या खालच्या पातळीवर दफन करू की तो कधीच बाहेर येऊ शकणार नाही. "

फायलींवर 'वजन' असलं की त्या जोरात पळतात…; केंद्रीय मंत्री नितीन गडकरी परखड बोलून गेले!

१९९० च्या दशकाप्रमाणे दहशतवादाला पुन्हा बळ देण्याचा प्रयत्न केला जात आहे. दहशतवादाशी संबंधित घटनांमध्ये मृत्युमुखी पडलेल्या सर्वांना गृहमंत्र्यांनी श्रद्धांजली वाहिली. विशेषत: त्यांनी भाजप नेते अनिल परिहार, अजित परिहार आणि राष्ट्रीय स्वयंसेवक संघाचे पदाधिकारी चंद्रकांत शर्मा यांचा उल्लेख केला. नॅशनल कॉन्फरन्स आणि काँग्रेसने सरकार स्थापन केल्यानंतर दहशतवाद्यांची तुरुंगातून सुटका करण्यासारखी आश्वासने दिली आहेत. पडेर-नागसेनीसह जम्मू-काश्मीरमधील २४ विधानसभा मतदारसंघांमध्ये प्रचाराचा आज शेवटचा दिवस आहे. पहिला टप्पा १८ सप्टेंबर रोजी होणार आहे.