Rahul Gandhi : अंगावर यूनिफॉर्म.. दंडावर बिल्ला अन् डोक्यावर सामान, कुली अवतारातील राहुल गांधींचे PHOTO पाहिलेत का?
Rahul Gandhi : अंगावर यूनिफॉर्म.. दंडावर बिल्ला अन् डोक्यावर सामान, कुली अवतारातील राहुल गांधींचे PHOTO पाहिलेत का?
Sep 21, 2023 04:50 PM IST
Rahul Gandhi coolie look : राहुल गांधी आज (गुरुवार), २१ सप्टेंबर रोजी नवी दिल्लीतील आंनद विहार रेल्वे स्टेशनवर दाखल झाले व त्यांनी हमालांशी संवाद साधला. यावेळी राहुल गांधी डोक्यावरून सामान वाहतानाही दिसून आले. राहुल गांधी आणि यूथ काँग्रेसने इंस्टाग्राम व ट्विटरवर फोटो व व्हिडिओ शेअर केले आहेत.
(1 / 6)
काँग्रेस नेते राहुल गांधी वेळोवेळी सामान्य लोकांमध्ये मिसळून त्यांच्याची संवाद साधतात. आज राहुल गांधी दिल्लीतील आनंद विहार रेल्वे स्टेशनवर जाऊन हमालांशी संवाद साधला. यावेळी राहुल गांधींनी कुलींची ओळख असलेला लाल रंगाची शर्ट परिधान करून सूटकेस डोक्यावर ठेऊन चालताना दिसून आले. राहुल गांधींनी हमालांशी संवाद साधत त्यांच्या समस्या ऐकून घेतल्या.
(2 / 6)
हमालांशी संवाद साधतानाचे फोटो राहुल गांधी यांनी इंस्टाग्रामवर शेअर केले आहेत. त्याच्या कॅप्शनमध्ये राहुल गांधी यांनी लिहिले आहे की, "खूप काळापासून माझ्या मनात हमालांना भेटण्याची इच्छा होती. त्यांनीही मला मोठ्या प्रमाणे बोलावले होते. भारताच्या मेहनती बांधवांची इच्छा कोणत्याही परिस्थितीत पूर्ण होणारच होती. "
(3 / 6)
त्याचबरोबर यूथ काँग्रेसनेही ट्वीट करत म्हटले आहे की, "सर्व दुनियेचे ओझे आपल्या डोक्यावर उचलणाऱ्या लोकांच्या मनातील ओझे हलके करण्यासाठी राहुल गांधी आनंद विहार रेल्वे स्टेशन पोहोचले"
(4 / 6)
फोटोंमध्ये राहुल गांधी हमालांची ओळख असलेला लाल रंगाचा शर्ट परिधान करून डोक्यावरून सामान वाहताना दिसले. राहुल गांधींनी हमालांच्या सोबत बसून त्यांच्या समस्या जाणून घेतल्या. यावेळी हमालांच्या चेहऱ्यावरील आनंद स्पष्ट दिसत होता. त्यांनी राहुल सोबत सेल्फीही घेतली.
(5 / 6)
हमालांनी राहुल गांधींच्या दंडावर कुलीचा बिल्ला बांधला. त्यावर ७५६ नंबर होता. म्हणजे राहुल आज ७५६ नंबरचे हमाल बनले.
(6 / 6)
आनंद विहार रेल्वे स्टेशनमधील एका हमालाने राहुल गांधी यांच्या भेटीनंतर माध्यमांसमोर म्हटले की, ज्या प्रकारे राहुल गांधी आज अचानक आनंद विहार रेल्वे स्टेशन पोहोचले त्याचप्रमाणे २०२४ मध्ये ते अचानक पंतप्रधान बनतील.
इतर गॅलरीज