Rahul Gandhi : 'लसूण ४० रुपयावरून ४०० वर गेला', राहुल गांधी भाजी मार्केटमध्ये; भाज्यांचे भाव विचारतानाचा VIDEO व्हायरल
Rahul Gandhi Video : राहुल गांधी यांनी आपल्या एक्स अकाऊंटवर एक व्हिडिओ शेअर केला आहे. यामध्ये ते भाजी मंडईतील भाज्यांचे दर विचारताना दिसत आहेत. यावेळी ते विविध भाज्यांचे दर विचारत आहेत.
राहुल गांधी यांनी आपल्या एक्स अकाऊंटवर एक व्हिडिओ शेअर केला आहे. यामध्ये ते भाजी मंडईतील भाज्यांचे दर विचारताना दिसत आहेत. यावेळी त्यांच्यासोबत काही स्थानिक लोक आणि महिलाही दिसत आहेत. राहुल गांधी विविध भाज्यांचे दर विचारत आहेत. यंदा भाज्यांचे दर कमी होत नसल्याचे महिला सांगत आहेत. हंगामात ६० रुपये किलोपर्यंत विकले जाणारे मटार यंदा १२० रुपयांच्या खाली येत नसल्याचे एक महिला सांगते. कोणतीच भाजी ३० ते ३५ रुपये किलो दराने नसल्याचे महिलांनी सांगितले. राहुल गांधी यांनी या व्हिडिओसोबत कॅप्शनमध्ये लिहिले की, 'लसूण एकेकाळी ४० रुपये होता, आज ४०० रुपये!'
भाजी खरेदी करताना एका महिलेचे म्हणणे आहे की, वर्षभर एकही भाजी स्वस्त झाली नाही. आम्हा मध्यमवर्गीयांच्या मूलभूत गोष्टी असलेल्या बटाटा आणि कांदा स्वस्त झालेला नाही. एका महिलेने राहुल गांधींना सांगितले की, आम्ही चार-पाच भाज्या आणायला आलो आहोत, पण आम्ही दोन भाज्या घेऊन घरी जात आहोत. दरम्यान, राहुल गांधी एका महिलेला विचारतात की, महागाई का वाढत आहे? यावर महिला रागाने म्हणते की, बसलेल्या सरकारला ही गोष्ट दिसत नाही. ते फक्त आपल्या भाषणात गुंतलेले असतात. सर्वसामान्य जनता इतके महागडे अन्न कसे खाणार हे त्यांना दिसत नाही.
राहुल गांधींचा हा व्हिडिओ दिल्लीतील गिरी नगरसमोरील हनुमान मंदिर भाजी मंडईतील आहे. राहुल गांधी यांच्यासोबत काही महिलाही आहेत. या महिलांनी म्हटले की, आम्ही राहुल गांधी यांना आमच्या घरी चहासाठी बोलावले आहे. महागाई किती आहे त्यांनाही पाहुद्या. एक महिला म्हणते की आमचे बजेट खूप बिघडत चालले आहे. कुणाच्याही पगारात वाढ झालेली नाही. पण भाज्यांचे दर वाढले आहेत, मग ते कमी होण्याचे नाव घेत नाहीत. भाजी मंडईत आलेले राहुल गांधी महिलांना विचारतात की, आज तुम्ही काय खरेदी करताय? यावर ती महिला त्यांना सांगते की थोडे टोमॅटो आणि थोडा कांदा, म्हणजे काहीतरी चालेल.
भाजी विक्रेत्याला एक महिला विचारते की भाजी इतकी महाग का आहे? कुठल्याही भाजीला ३०-३५ रुपये भाव नाही, काहीही असो, सर्व काही ५० रुपयांच्या वर आहे. यावेळी भाज्यांचे दर खूप वाढल्याची कबुलीही भाजी विक्रेत्याने दिली. ते म्हणतात की, यावर्षी प्रचंड महागाई आहे. असे यापूर्वी कधीच झाले नव्हते.
राहुल गांधी भाजी विक्रेत्याला लसणाची किंमत विचारतात. यावर ती महिला म्हणते की भाऊ आम्ही लसूण विकत घेऊ शकणार नाही. ती पुढे म्हणते की, सोनं स्वस्त झालं, लसूण महाग झालं. लसणाचा दर ४०० रुपये किलो असल्याचे भाजी विक्रेत्याचे म्हणणे आहे. मग ती बाई म्हणते की काहीतरी कमी करा म्हणजे आम्ही थोडी खरेदी करू शकू. महिलेचे बोलणे ऐकून भाजीविक्रेता प्रति पाव ९० रुपये देण्यास तयार होतो.
संबंधित बातम्या