Murder: दारू पिण्यासाठी १०० रुपये दिले नाही म्हणून रिक्षाचालक मित्राची हत्या
Ragpicker killed rickshaw puller: दारू पिण्यासाठी १०० दिले नाही म्हणून कचरावेचकाने रिक्षाचालकाची हत्या केली.
भारत नगर चौकाजवळ सापडलेल्या रिक्षाचालकाची अवघ्या १०० रुपयांसाठी एका बेघर कचरावेचकाने हत्या केली असून आरोपीला अटक करण्यात आली आहे. गुरविंदर सिंह (वय, २५) असे या कचरावेचकाचे नाव असून तो बेघर आहे. गुरविंदर आणि मयत पप्पू मंडल हे मित्र होते आणि रस्त्याच्या कडेला झोपायचे.
अतिरिक्त पोलिस उपायुक्त (एडीसीपी, शहर ३) रमणदीप सिंग भुल्लर यांनी सांगितले की, आरोपी आणि मृत व्यक्ती व्यसनाधीन होते आणि दररोज मद्यपान करीत असते. गुरविंदरने पोलिसांना सांगितले की, मंडलकडे काही दिवसांपूर्वी पैशांची कमतरता होती आणि त्याने पप्पूला दारूची बाटली विकत घेण्यास सांगितले. आपल्या वाट्याचे १०० रुपये नंतर देऊ, असे आश्वासन दिले.
आरोपीने पोलिसांना सांगितले की, तो पैशांची मागणी करत होता. परंतु, मंडल बहाणे बाजी करत होता. बुधवारी रात्री ते दारू पित असताना गुरविंदरने मंडल यांना परत पप्पूला पैसे मागितले, त्यानंतर मंडल यांनी त्यांना शिवीगाळ करण्यास सुरुवात केली. रागाच्या भरात गुरविंदरने मंडल यांची हत्या केली.
एडीसीपी पुढे म्हणाले की, तपासादरम्यान पोलिसांनी रस्त्याच्या कडेला झोपलेल्या इतर लोकांची चौकशी केली. त्यांनी पोलिसांना सांगितले की, त्यांनी मंडलला बुधवारी गुरविंदरसोबत शेवटचे पाहिले होते. या माहितीच्या आधारे पोलिसांनी आरोपीला ताब्यात घेऊन चौकशी केली असता त्याने गुन्ह्याची कबुली दिली. पोलिसांनी गुन्ह्यात वापरलेली वीटही जप्त केली.
२९ जानेवारी रोजी भारत नगर चौकाजवळ मृतावस्थेत आढळलेल्या एका अनोळखी व्यक्तीच्या मृत्यूशी गुरविंदरचा कोणताही संबंध आढळला नसल्याचे एडीसीपींनी सांगितले. मंडल यांचा मृतदेह गुरुवारी सकाळी आढळून आला. डिव्हिजन क्रमांक ५ पोलिसांनी खुनाचा गुन्हा दाखल केला होता.