१८ महिन्यात ११ जणांची निर्घृण हत्या, 'त्या' सिरियल किलरला पकडण्यात यश, 'या' लोकांना करायचा टार्गेट!

पोलिसांनी दिलेल्या माहितीनुसार, आरोपीने गळा आवळून आणि दगडाने ठेवून लोकांची हत्या केली. इंडिया टीव्हीने दिलेल्या वृत्तानुसार, आरोपी अनेकदा लोकांना आपल्या कारने लिफ्ट देऊन त्यांना लुटायचा. प्रतिकार करणाऱ्यांना आणि पैसे देण्यास नकार देणाऱ्यांना तो ठार करायचा.

मिळालेल्या माहितीनुसार, आरोपी लोकांची हत्या केल्यानंतर एक निशाणी सोडायचा. त्याने एका व्यक्तीची हत्या करून त्याच्या पाठीवर देशद्रोह असे लिहिले होते. मृत व्यक्ती माजी सैनिक असून एका बँकेत सुरक्षा रक्षक म्हणून काम करत होते. एसपी नवनीत सिंह महल यांनी सांगितले की, आरोपी विवाहित होता आणि त्याला तीन मुले आहेत. मात्र, दोन वर्षापूर्वी काही कारणास्तव त्याची पत्नी त्याला सोडून गेली, अशी माहिती पोलिसांना मिळाली.

राम सरूपला यापूर्वी कीर्तारपूर साहिब येथील एका खुनाच्या प्रकरणात अटक करण्यात आली होती. चौकशीदरम्यान त्याने इतर १० जणांची हत्या केल्याची कबुली दिली. गेल्या १८ महिन्यांत रूपनगर, फतेहगढ साहिब आणि होशियारपूरमधील लोकांना त्याने लक्ष्य केले आहे. आतापर्यंत पाच प्रकरणांची पुष्टी झाली आहे. पोलिस इतर प्रकरणांचा तपास करत आहेत.