Priyanka Gandhi : प्रियांका गांधी यांनी घेतली गृहमंत्री अमित शहा यांची भेट, काय होतं कारण?

काँग्रेस सरचिटणीस व वायनाडच्या नवनियुक्त खासदार प्रियंका गांधी वाड्रा यांनी केरळमधील लोकसभा सदस्यांसह बुधवारी गृहमंत्री अमित शहा यांची भेट घेतली आणि वायनाडमधील भूस्खलनग्रस्तांना मदत करण्याचे आवाहन केले. संसद भवन संकुलातील शाह यांच्या कार्यालयात ही बैठक झाली. 

माकड आलं आणि बागेत बसलेल्या शशी थरुर यांच्या मांडीवर बसून छातीला बिलगलं, पुढं काय घडलं?

शहा यांची भेट घेतल्यानंतर वायनाडच्या खासदार प्रियांका गांधी यांनी पत्रकारांना सांगितले की, आम्ही गृहमंत्र्यांची भेट घेऊन त्यांना वायनाडमधील परिस्थितीची माहिती दिली आहे. भूस्खलनामुळे तेथील लोकांच्या जीवनावर खोलवर परिणाम झाला आहे. लोकांची कुटुंबे आणि घरे उद्ध्वस्त झाली आहेत, त्यांच्याकडे आधार यंत्रणा शिल्लक नाही.

अशा परिस्थितीत केंद्र सरकारने काहीच केले नाही तर जनतेची काय अपेक्षा असेल, असा सवाल त्यांनी केला. राजकारणाच्या पलीकडे जाऊन वायनाडच्या जनतेला मदत करावी, असे आवाहन आम्ही गृहमंत्र्यांना केले आहे. पंतप्रधान नरेंद्र मोदी यांनी तेथील पीडितांची भेट घेतली तेव्हा लोकांना मदतीची अपेक्षा होती, पण अद्याप कोणतीही मदत मिळालेली नाही.

महाराष्ट्र-हरयाणामध्ये भाजपने षडयंत्र रचून विजय मिळवला? दिल्ली निवडणुकीआधी अरविंद केजरीवालांचा मोठा दावा

वायनाडमध्ये यावर्षी जुलै महिन्यात भूस्खलन होऊन अनेकांचा मृत्यू झाला होता. वायनाडच्या जनतेला राजकारणाच्या पलीकडे जाऊन मदत करावी, अशी विनंती मी त्यांना केली आहे. पुरामुळे सर्वांची घरे, शाळा सर्व वाहून गेल्या असून या पार्श्वभूमीवर गृहमंत्र्यांना मानवतेच्या दृष्टिकोनातून लोकांना मदत करण्याची विनंती करण्यात आली आहे. अशा वेळी वायनाडच्या पीडितांना राजकारणाच्या पलीकडे जाऊन मदत करायला हवी. आम्ही पंतप्रधान तसेच गृहमंत्र्यांना निवेदन दिले असून सरकारने पीडितांना मदत करावी, अशी विनंती केली आहे.

जनतेच्या समस्यांची आपल्याला जाणीव असून त्यांना शक्य तेवढी मदत करू, असे आश्वासन गृहमंत्र्यांनी दिल्याचे त्यांनी सांगितले.