शरीरसंबंध ठेवण्यासाठी वीज पुरवठाच होणार खंडित; डेटपासून लग्नापर्यंत सरकारी मदत, ‘या’ देशात स्थापन होणार सेक्स मंत्रालय?

रशियन नियतकालिक मोस्कविचने दिलेल्या माहितीनुसार, ग्लॅव्हपीआर एजन्सीने सादर केलेल्या याचिकेत 'सेक्स मिनिस्ट्री' स्थापन करण्याची सूचना करण्यात आली आहे, जी जन्मदराशी संबंधित योजनांचे नेतृत्व करेल. मॉस्कोच्या उपमहापौर अनास्तासिया राकोवा यांनी देशातील लोकसंख्या वाढ अत्यंत महत्त्वाची असल्याचे सांगितले. महिलांची प्रजनन क्षमता तपासण्यासाठी, महिलांना मुले होण्यासाठी प्रोत्साहित करण्यासाठी मॉस्कोमध्ये एक विशेष पद्धत अवलंबली जात असल्याचे राकोवा यांनी स्पष्ट केले.

७ दिवसांच्या पिल्ल्यांचे ओरडणे ऐकून भडकल्या महिल्या; ५ श्वानांना जिवंत जाळलं, दोघींविरुद्ध गुन्हा दाखल

जन्मदर वाढवण्यासाठी अनेक विचित्र प्रस्तावांवर चर्चा सुरू आहे. यातील एका प्लॅननुसार रात्री १० ते पहाटे 2 वाजेपर्यंत इंटरनेट आणि वीज बंद ठेवण्याची चर्चा आहे, जेणेकरून लोक या तासांमध्ये आपल्या नातेसंबंधांवर लक्ष केंद्रित करतील आणि मुले होण्याकडे वळतील.

याशिवाय गृहिणींना त्यांच्या घरकामासाठी पगार देण्याबाबतही प्रस्तावात म्हटले आहे, जे त्यांच्या पेन्शनमध्ये मोजले जाईल. याव्यतिरिक्त, पहिल्या तारखेसाठी सरकार ५,००० रूबल (सुमारे ४० पौंड) ची आर्थिक मदत देखील देऊ शकते, जेणेकरून जोडप्याला त्यांचे नाते पुढे नेण्यासाठी प्रेरित केले जाऊ शकेल.

इराणने रचला डोनाल्ड ट्रम्प यांच्या हत्येचा कट! खतरनाक किलरला दिली होती सुपारी

इतकंच नाही तर सरकारी खर्चाने जोडप्यांना लग्नाच्या रात्रीच्या हॉटेलमध्ये राहण्याची सुविधा देण्याचा ही प्रस्ताव आहे, ज्याची किंमत सुमारे २६,३०० रूबल (सुमारे २०८ पौंड) असेल. लोकांना मुले होण्यासाठी प्रोत्साहित करण्यासाठी विविध भागात विविध उपाययोजना राबविल्या जात आहेत. खबारोव्स्कमध्ये १८ ते २३ वयोगटातील विद्यार्थिनींना मुले जन्माला घालण्यासाठी ९०० पौंड, तर चेल्याबिन्स्कमध्ये पहिल्या मुलासाठी ८,५०० पौंडपर्यंत रक्कम दिली जात आहे.

लोकसंख्या वाढवण्यासाठी खासगी आयुष्याचे सर्वेक्षण -

मॉस्कोतील सरकारी अधिकारी महिलांच्या खासगी आयुष्याची सखोल चौकशी करत आहेत. सार्वजनिक क्षेत्रातील महिला कर्मचाऱ्यांना त्यांच्या लैंगिक आणि पुनरुत्पादक आरोग्याशी संबंधित प्रश्नांनी भरलेली सविस्तर प्रश्नावली देण्यात आली आहे. ही प्रश्नावली सखोल वैयक्तिक प्रश्न विचारते, जसे की:

आपण लैंगिक क्रियाकलाप कधी सुरू केले?

- तुम्ही कंडोम किंवा हार्मोनल गर्भनिरोधक वापरता का?

- संभोगादरम्यान वेदना किंवा रक्तस्त्राव होतो का?

- तुम्हाला वंध्यत्व आले आहे का किंवा गर्भधारणा झाली आहे का? तसे असेल तर किती वेळा?

- तुम्हाला किती मुलं आहेत आणि पुढच्या वर्षभरात आणखी मुलं जन्माला घालण्याचा विचार करत आहात का?

ज्या कर्मचाऱ्यांनी ही प्रश्नावली रिकामी ठेवली त्यांना डॉक्टरांकडे बोलावण्यात आले, तेथे त्यांना थेट हे प्रश्न विचारण्यात आले. या सर्व योजना आणि उपक्रम असूनही लोकसंख्या वाढीसाठी अशा प्रकारच्या पावलांमुळे देशात एका वेगळ्या प्रकारची सामाजिक आणि सांस्कृतिक चर्चा सुरू झाली आहे. रशियात सेक्स मंत्रालय स्थापन करून लोकसंख्येच्या संकटावर तोडगा निघेल का? हे पाहणं बाकी आहे, पण हा उपक्रम जगभरात चर्चेचा विषय ठरला आहे हे नक्की.