सोशल मीडियावरून हँडलवरून आता हटवू शकता 'मोदी का परिवार', पंतप्रधान मोदींचे समर्थकांना आवाहन; कारणही सांगितलं
modikaParivar : राष्ट्रीय जनता दलाचे सर्वेसर्वा लालूप्रसाद यादव यांनी नरेंद्र मोदी यांच्यावर कुटूंबावरून टीका केल्यानंतर भाजपने त्यांच्या समर्थनार्थ 'मोदी का परिवार' मोहीम सुरू केली होती. आता ही मोहीम मागे घेण्याचे आवाहन मोदींनी केले आहे
लोकसभा निवडणुकीच्या प्रचारादरम्यान 'मोदी का परिवार' मोहिमेबद्दल पंतप्रधान नरेंद्र मोदी यांनी आपल्या समर्थकांचे आभार मानले असून आता ते आपल्या सोशल हँडलवरून हा प्रत्यय काढून टाकू शकतात, असे म्हटले आहे.
निवडणूक प्रचाराच्या माध्यमातून भारतभरातील लोकांनी माझ्याप्रती आपुलकी म्हणून सोशल मीडियावर 'मोदी का परिवार' मोहीम सुरू केली. त्यातून मला खूप ताकद मिळाली. भारताच्या जनतेने एनडीएला सलग तिसऱ्यांदा बहुमत दिले आहे, हा एक प्रकारचा विक्रम आहे आणि देशाच्या भल्यासाठी काम करत राहण्याचा जनादेश आम्हाला दिला आहे, असे मोदी यांनी ९ जून रोजी सलग तिसऱ्यांदा पंतप्रधानपदाची शपथ घेतल्यानंतर पोस्ट केले.
आपण सर्व जण एक कुटुंब आहोत हा संदेश प्रभावीपणे देण्यात आल्याने मी पुन्हा एकदा भारतातील जनतेचे आभार मानतो आणि विनंती करतो की आता तुम्ही तुमच्या सोशल मीडिया प्रॉपर्टीवरून 'मोदी का परिवार' हटवू शकता.
…तर नरेंद्र मोदी वाराणसीतून ३ लाख मतांंनी निवडणूक हरले असते, असं का म्हणाले राहुल गांधी?
डिस्प्लेचे नाव बदलू शकते, परंतु भारताच्या प्रगतीसाठी झटणारा एक परिवार म्हणून आमचे नाते दृढ आणि अतूट आहे, असे पंतप्रधान म्हणाले.
पंतप्रधानांच्या अधिकृत एक्स हँडलवर एक नवीन डिस्प्ले पिक्चर आणि कव्हर फोटो देखील मिळाला आहे, ज्यात मोदी संविधानासमोर नतमस्तक होताना दिसत आहेत.
लोकसभा निवडणुकीपूर्वी राष्ट्रीय जनता दलाचे सर्वेसर्वा लालूप्रसाद यादव यांनी मोदींवर केलेल्या 'परिवारवाद' टीकेनंतर वाद निर्माण झाला होता. नरेंद्र मोदींचे स्वत:चे कुटुंब नसेल तर आपण काय करू शकतो? ते राम मंदिराचा बडगा उगारत राहतात. तो खरा हिंदूही नाही. हिंदू परंपरेनुसार, आई-वडिलांच्या निधनानंतर मुलाने आपले डोके आणि दाढी मुंडवावी. आईचे निधन झाले तेव्हा मोदींनी तसे केले नाही.
कंगनाला थप्पड मारणाऱ्या कुलविंदर कौरला 'हा' पक्ष पाठवणार सोन्याची भेट; केले कौतुक
लालूप्रसाद यादव यांच्या टीकेला उत्तर देताना मोदी म्हणाले होते की, "मी त्यांच्या घराणेशाहीच्या राजकारणावर प्रश्न चिन्ह उपस्थित करतो, ते म्हणतात की मोदींना कुटुंब नाही, माझे जीवन एक खुले पुस्तक आहे. मी माझ्या देशासाठी जगेन. लालु यादवांच्या टीकेनंतर भाजपच्या अनेक मंत्री, नेते आणि कार्यकर्त्यांनी आपल्या सोशल मीडिया हँडलच्या शेजारी 'मोदी का परिवार' हा प्रत्यय जोडला आहे.
