PM Modi in Russia : पंतप्रधान मोदी मॉस्कोत दाखल, रशियाचे अध्यक्ष व्लादिमीर पुतिन यांच्याशी करणार शिखर चर्चा

Jammu and Kashmir : कठुआमध्ये लष्कराच्या ताफ्यावर मोठा दहशतवादी हल्ला; ४ जवान शहीद, ६ जण गंभीर जखमी

पंतप्रधान मोदींचा गेल्या पाच वर्षांतील हा पहिलाच रशिया दौरा आहे. २०१९ मध्ये रशियातील व्लादिवोस्तोक शहरात झालेल्या आर्थिक परिषदेत ते सहभागी झाले होते.  २०२२ मध्ये युक्रेन युद्ध सुरू झाल्यानंतर मोदींचा हा पहिलाच रशिया दौरा आहे.

मंगळवारी होणाऱ्या २२ व्या भारत-रशिया वार्षिक शिखर परिषदेत मोदी आणि रशियाचे अध्यक्ष व्लादिमीर पुतिन व्यापार, ऊर्जा आणि संरक्षण यासह विविध क्षेत्रांमध्ये द्विपक्षीय संबंध अधिक वृद्धिंगत करण्याबाबत चर्चा करतील. 

भारताचे पंतप्रधान आणि रशियाचे राष्ट्राध्यक्ष यांच्यातील वार्षिक शिखर परिषद ही दोन्ही देशांमधील सामरिक भागीदारीतील सर्वोच्च संस्थात्मक संवाद यंत्रणा आहे. आतापर्यंत भारत आणि रशियामध्ये २१ वार्षिक शिखर परिषदा झाल्या आहेत.

शेवटची शिखर परिषद ६ डिसेंबर २०२१ रोजी नवी दिल्लीत पार पडली होती. या परिषदेत सहभागी होण्यासाठी पुतिन भारतात आले होते. रशियाचे राष्ट्रप्रमुख म्हणून पुतिन यांनी नऊ वेळा भारताचा दौरा केला आहे.

राहुल गांधी यांच्या समर्थनार्थ पुढं आले शंकराचार्य स्वामी अविमुक्तेश्वरानंद, हिंदूबाबत केलं मोठं वक्तव्य

पंतप्रधान नरेंद्र मोदी आणि राष्ट्राध्यक्ष पुतिन यांच्यात १६ सप्टेंबर २०२२ रोजी उझबेकिस्तानमधील समरकंद येथे शांघाय सहकार्य संघटनेच्या (एससीओ) शिखर परिषदेच्या निमित्ताने द्विपक्षीय चर्चा झाली होती. 'आजचे युग युद्धाचे नाही,' असे सांगत मोदींनी युक्रेनमधील संघर्ष संपुष्टात आणण्याचा आग्रह धरला होता. पुतिन आणि युक्रेनचे राष्ट्राध्यक्ष व्होलोदिमीर झेलेन्स्की यांच्याशी पंतप्रधानांनी अनेकदा दूरध्वनीवरून चर्चा केली आहे.

मॉस्कोने युक्रेनवर केलेल्या हल्ल्याचा भारताने अद्याप निषेध केलेला नाही आणि मुत्सद्देगिरी आणि चर्चेच्या माध्यमातून हे संकट सोडवले पाहिजे, असे भारताचे म्हणणे आहे.

रशियातून मोदी मंगळवारी ऑस्ट्रियाला जाणार असून, गेल्या ४० वर्षांतील भारतीय पंतप्रधानांचा हा पहिलाच ऑस्ट्रिआ दौरा आहे.