PM Kisan Samman Nidhi Yojana: पीएम-किसान योजनेत ९० लाख नवे लाभार्थी जोडले, कृषी मंत्रालयाची माहिती
PM Kisan Samman Nidhi Yojana Updates: पीएम किसान योजनेत गेल्या साडेतीन महिन्यांत सुमारे ९० लाख नवीन लाभार्थी जोडले गेल्याची माहिती कृषी मंत्रालयाने दिली आहे.
PM Kisan Yojana Updates: पंतप्रधान किसान सन्मान निधी योजनेंतर्गत विकसित करण्यात आलेल्या भारत संकल्प यात्रेच्या माध्यमातून गेल्या साडेतीन महिन्यांत सुमारे ९० लाख नवीन लाभार्थी जोडले गेले आहेत. कृषी मंत्रालयाने ही माहिती दिली.
१५ नोव्हेंबर २०२३ रोजी सुरू झालेली विकसित भारत संकल्प यात्रा सरकारी योजनांबद्दल जागरूकता वाढविण्यासाठी केंद्राचा प्रमुख उपक्रम आहे. सरकारी योजनांअंतर्गत लाभार्थ्यांना शासकीय योजनांचा संपूर्ण लाभ मिळवून देणे हे व्हीबीएसवायचे उद्दिष्ट आहे. २. ६० लाखांहून अधिक ग्रामपंचायतींमधील सर्व लाभार्थ्यांना सरकारी कल्याणकारी योजनांचा लाभ मिळावा यासाठी व्हीबीएसवायचा एक भाग म्हणून ९० लाख पात्र शेतकऱ्यांना पीएम-किसान योजनेत जोडण्यात आले आहे.
दरम्यान, ०२ फेब्रुवारी २०१९ रोजी पीएम-किसान योजना सुरू करण्यात आली होती. याअंतर्गत पात्र शेतकरी कुटुंबांना दर चार महिन्यांनी प्रत्येकी दोन हजार रुपयांच्या तीन समान हप्त्यांमध्ये दरवर्षी सहा हजार रुपयांचा लाभ दिला जातो. आधुनिक डिजिटल तंत्रज्ञानाचा वापर करून थेट लाभ हस्तांतरणाद्वारे पात्र लाभार्थ्यांच्या बँक खात्यात थेट लाभ हस्तांतरित केला जातो.
ही योजना अधिक कार्यक्षम, प्रभावी आणि पारदर्शक करण्यासाठी मध्यस्थांच्या सहभागाशिवाय योजनेचा लाभ देशभरातील सर्व शेतकऱ्यांपर्यंत पोहोचावा यासाठी शेतकरीकेंद्रित डिजिटल पायाभूत सुविधांमध्ये सातत्याने सुधारणा करण्यात आल्या आहेत. पीएम-किसान पोर्टल यूआयडीएआय, पीएफएमएस (पब्लिक फायनान्शियल मॅनेजमेंट सिस्टीम), नॅशनल पेमेंटकॉर्पोरेशन ऑफ इंडिया (एनपीसीआय) आणि आयकर विभागाच्या पोर्टलशी जोडले गेले आहे.
