जगातील सर्वात वृद्ध जोडप्याचा विवाह, १०० हून अधिक वय असताना केलं लग्न; गिनीज बुकमध्ये नाव झाले नोंद
Oldest Couple wedding :अमेरिकेत दोन वृद्धांनी वयाच्या १०० व्या वर्षी लग्न करून एक विक्रम प्रस्थापित केला आहे. बर्नी लिटमन १०० वर्षांचे आहेत आणि मार्जोरी फिटरमन १०२ वर्षांचे आहेत.
अमेरिकेत दोन वृद्धांनी वयाच्या १०० व्या वर्षी लग्न करून एक विक्रम प्रस्थापित केला आहे. बर्नी लिटमन १०० वर्षांचे आहेत आणि मार्जोरी फिटरमन १०२ वर्षांचे आहेत. अशा प्रकारे दोघांच्या वयाची बेरीज २०२ वर्षे आहेत. अशाप्रकारे या दोघांनी सर्वात वयोवृद्ध विवाहित जोडपे म्हणून गिनीज बुक वर्ल्ड रेकॉर्ड मोडला आहे. ३ डिसेंबर रोजी गिनीज वर्ल्ड रेकॉर्डने याची अधिकृत नोंद केली. बर्नीच्या कुटुंबातील चार पिढ्या या लग्नाचे साक्षीदार होत्या.
बर्नी लिटरनमन आणि मार्जोरी फिटरमन यांच्या रोमान्सची सुरुवात नऊ वर्षांपूर्वी झाली होती. फिलाडेल्फिया येथे झालेल्या कॉस्च्युम पार्टी दरम्यान याची सुरुवात झाली. सीनियर लिविंग कम्यूनिटीमध्ये हा कार्यक्रम पार पडला. यानंतर यावर्षी १९ मे रोजी त्यांनी एकमेकांसमोर प्रेम व्यक्त केलं. बर्नी आणि मार्जोरी यांच्या लग्नाला ६० वर्षे झाली होती. नंतर त्याच्या साथीदारांचा मृत्यू झाला. यानंतर हे लोक एकाकी जीवन जगत होते.
विशेष म्हणजे दोघांनीही याच विद्यापीठातून शिक्षण घेतले आहे. बर्नीने पेनसिल्व्हेनिया विद्यापीठात अभियांत्रिकीचे शिक्षण घेतले, तर मार्जोरीने शिक्षकी पेशा निवडला. या दोघांचे लग्न रब्बी अॅडम वॉलबर्ग यांनी केले होते. 'आजकाल मी ज्या जोडप्यांशी लग्न करतो, त्यातील बहुतेक जोडपी कोणत्या ना कोणत्या डेटिंग अॅपवर भेटतात. तुम्ही एकाच इमारतीत राहता, एकमेकांना धडकतात व प्रेमात पडतात, अशा जुन्या पद्धती मला खूप आवडतात.
संबंधित बातम्या