Petrol Diesel Price: पेट्रोल-डिझेल झाले स्वस्त, लोकसभा निवडणुकीपूर्वी मोदी सरकारकडून खुशखबर!

केंद्रीय मंत्री हरदीप सिंह पुरी यांनी सोशल मीडियावरून पेट्रोल-डिझेल दर कपातीची घोषणा केली. त्यांनी म्हटले की, पेट्रोल- डिझेल दर २ रुपयांनी स्वस्त करत पंतप्रधान नरेंद्र मोदी यांनी पुन्हा एकदा कोट्यवधी भारतीयांच्या हिताचे रक्षण केले आहे. गेल्या काही वर्षात इंधनाच्या दरात वाढ झाल्याने केंद्र सरकारवर टीका होत होती. यावरून यावरुन विरोधकांनी मोदी सरकारवर जोरदार टीका केली होती. मात्र मात्र आता लोकसभा निवडणुकीच्या तोंडावर मोदी सरकारने मास्टरस्ट्रोक मारत पेट्रोल डिझेलच्या दरात थेट २ रुपयांची कपात केली आहे.

हरदीप सिंह पुरी यांनी पुढे म्हटले आहे की, संपूर्ण जग कठीण काळातून जात असताना विकसित व विकसनशील देशांमध्ये पेट्रोलच्या किमती ५० ते ७२ टक्क्यांनी वाढल्या होत्या आणि आपल्या शेजारच्या देशांमध्ये तर पेट्रोल मिळणेही बंद झाले होते. १९७३ नंतरच्या ५० वर्षातील सर्वात मोठे तेल संकट असतानाही मोदींच्या कुशल नेतृत्वात भारतातील पेट्रोलचे दर वाढण्याऐवजी ४.६५ टक्क्यांनी कमी झाले आहेत

भारत एकमेव देश आहे जेथे पेट्रोल डिझेलच्या किमती वाढल्या नाहीत उलट कमी झाल्या आहेत. मोदी पंतप्रधान बनण्याच्या आधी भारत २७ देशांतून कच्चे तेल खरेदी करत होता. मात्र मोदींच्या नेतृत्वात देशातील जनतेला स्वस्त दरात पेट्रोल, डिझेल व गॅस उपलब्ध करण्यासाठी आता ३९ देशातून कच्चे तेल खरेदी केले जाते.