Ind vs Pak: दारुण पराभवानंतर पाकिस्तानी माध्यमांचा रडीचा डाव, म्हणतात २२ पंडितांनी काळी जादू करून भारतीय संघाला जिंकवले
भारत आणि पाकिस्तान यांच्यात रविवारी झालेल्या सामन्यात भारतीय संघाचा विजय पाकिस्तानी चाहते आणि प्रसारमाध्यमे दोघांनाही पचनी पडलेला नाही. पाकिस्तानातील एका युट्यूब चॅनेलने तर मर्यादा ओलांडली आहे.
भारत विरुद्ध पाकिस्तान असा सामना आहे आणि पाकिस्तानची माध्यमे स्वत:चा अपमान करणार नाहीत, असे होऊ शकत नाहीत. चॅम्पियन्स ट्रॉफी २०२५ च्या हायव्होल्टेज लीग सामन्यात रविवारी भारताने पाकिस्तानला धूळ चारली. भारताने हा सामना तर जिंकलाच, पण विराट कोहलीच्या धडाकेबाज शतकामुळे पाकिस्तानच्या आशा पुन्हा एकदा मातीत मिसळल्या. आता पाकिस्तानी संघाचे चाहते आणि पाक मीडिया हा पराभव पचवू शकत नाही. दरम्यान, पाकिस्तानातील एका युट्यूब चॅनेलचा व्हिडिओ वेगाने व्हायरल होत आहे. या व्हिडिओमध्ये भारताच्या विजयाबद्दल विचित्र गोष्टी सांगितल्या जात आहेत, ज्यावर तुम्ही हसू रोखू शकणार नाही.
या पाकिस्तानी टीव्ही डिबेटमध्ये एका पॅनेलिस्टने दावा केला आहे की, भारताने दुबई आंतरराष्ट्रीय स्टेडियमवर काळी जादू करण्यासाठी २२ पंडित पाठवले होते, ज्यामुळे पाकिस्तानी खेळाडूंचे लक्ष विचलित झाले. त्याचवेळी दुसरा पॅनेलिस्टही त्याच डोकेदुखीबद्दल बोलताना दिसला. त्यांच्या म्हणण्यानुसार, भारताने पाकिस्तानात खेळण्यास नकार दिला कारण त्यांच्या 'पंडितांना' पाकिस्तानात येऊ दिले जात नाही.
संभाषणादरम्यान पाकिस्तानी पॅनेलिस्ट म्हणाला, "सामन्याच्या एक दिवस आधी सात पुजारी जादू करण्यासाठी मैदानात आले होते. या संभाषणात त्याने हार्दिक पांड्याच्या जादूचाही उल्लेख केला. पाकिस्तानी प्रसारमाध्यमांनी पराभवासाठी काळ्या जादूला जबाबदार धरण्याची ही पहिलीच वेळ नाही. आयसीसी वर्ल्ड कप २०२३ दरम्यान एका पाकिस्तानी पत्रकाराने म्हटले होते की, बीसीसीआयने त्यांना काळ्या जादूच्या मदतीने पाकिस्तानला पराभूत केले आहे.
Shrikant Ashok Londhe
संबंधित बातम्या