विंग कमांडर अभिनंदन वर्धमान यांना पकडणारा पाक अधिकारी तालिबानच्या हल्ल्यात ठार

विंग कमांडर वर्धमान यांना पकडल्यानंतर मेजर शाह प्रकाश झोतात आले होते. टीटीपी अर्थात तेहरीक-ए-तालिबान पाकिस्तानने केलेल्या हल्ल्यात मेजर शहा शहीद झाले होते. मीडिया रिपोर्ट्सनुसार, इंटर सर्व्हिसेस पब्लिक रिलेशन्सने जारी केलेल्या निवेदनात म्हटले आहे की, "२४ जून २०२५ रोजी सुरक्षा दलांनी दक्षिण वझिरीस्तान जिल्ह्यातील सनौघा भागात एक ऑपरेशन केले. या कारवाईत मेजर मोईज अब्बास शाह आणि लान्स नायक जिब्रान शहीद झाले.

पाकिस्तानी लष्कराच्या या कारवाईत ११ दहशतवाद्यांचा खात्मा झाल्याचेही वृत्त आहे. बुधवारी पाकिस्तानी संसदेतही मेजर शाह यांना श्रद्धांजली वाहण्यात आली. तो पाकिस्तानातील चकवालचा रहिवासी होता आणि एसएसजी म्हणजेच स्पेशल सर्व्हिस ग्रुपचा भाग होता.

विंग कमांडर अभिनंदन वर्धमान

पुलवामा दहशतवादी हल्ल्यानंतर भारताने पाकिस्तानातील दहशतवादी तळांवर हल्ले केले होते. त्या कारवाईदरम्यान कमांडर वर्धमान मिग-२१ बायसन विमानात होते आणि भारतीय हवाई हद्दीतून पाकिस्तानी हवाई दलाच्या विमानांचा पाठलाग करत होते. त्यावेळी त्यांच्या विमानाला लक्ष्य करण्यात आले आणि ते पाकिस्तानी हद्दीत पोहोचले. तेथे पाकिस्तानी सैन्याने त्यांना पकडले. मात्र, काही वेळातच पाकिस्तानने त्यांची सुटका केली.