‘मी कलमा पठण करू शकतो, यामुळेच जिवंत राहिलो’; पहलगाम हल्ल्यातून बचावलेल्या प्रोफेसरने सांगितला तो थरारक प्रसंग

देबाशीष भट्टाचार्य दहशतवादी हल्ल्यावेळी पहलगाममधील बेसरन खोऱ्यात आपल्या कुटूंबीयांसमवेत उपस्थित होते. माध्यमांशी बोलताना त्यांनी सांगितले की, मी आपल्या कुटूंबीयांसमवेत एका झाडाखाली झोपलो होतो. तेव्हा माझ्या आजुबाजुचे लोक कलमा पठण करत असल्याचा आवाज आला. ते ऐकून मी सुद्धा कलमा पठण सुरू केले. काही वेळात एक दहशतवादी त्यांच्या दिशेने आला व त्यांच्या बाजुला झोपलेल्या व्यक्तीच्या डोक्यात गोळी मारली.

त्यानंतर दहशतवाद्याने माझ्याकडे पाहिले व विचारले की, काय करत आहे? त्यानंतर मी मोठ्याने कलमा पठण करू लागलो. ते पाहून तो तेथून निघून गेला. त्यानंतर संधी साधत प्रोफेसर आपली पत्नी व मुलाला घेऊन तेथून निसटले. जवळवास दोन तास पायपीट करत आणि घोड्यांच्या पाऊलखुणांचा पाठलाग करत ते हॉटेलवर सुखरुप पोहोचले. भट्टाचार्य यांनी सांगितले की, त्यांना अजूनही विश्वास बसत नाही की, ते यातून जिवंत वाचले आहेत.

दरम्यान पुण्यातील एका व्यापाऱ्याच्या मुलीने दावा केला की, धर्म विचारून पर्यटकांवर हल्ला केला. युवतीने दावा केला की, दहशतवाद्यांनी पुरुष पर्यटकांना त्यांचा धर्म विचारल्यानंतर त्यांना निशाणा बनवले. अधिकाऱ्यांनी सांगितले की, पुण्याहून आलेल्या दोन व्यापाऱ्यांचा संतोष जगदाळे आणि कौस्तुभ गणबोटे यांचा या हल्ल्यात मृत्यू झाला आहे.