Jobs 2025: नॅशनल थर्मल पॉवर कॉर्पोरेशन ने इंजिनीअरिंग एक्झिक्युटिव्ह ट्रेनी पदांसाठी जाहिरात प्रसिद्ध केली आहे. एनटीसीपीच्या अधिकृत वेबसाइटवर जारी केलेल्या अधिसूचनेनुसार, एनटीपीसीच्या या भरतीमध्ये एकूण ४७५ कार्यकारी प्रशिक्षणार्थी अभियंत्यांची नियुक्ती केली जाईल. या पदांसाठी अर्ज प्रक्रिया सुरू झाली आहे. इच्छुक आणि पात्र उमेदवार १३ फेब्रुवारी २०२५ पर्यंत www.ntpc.co.in या अधिकृत वेबसाइटवर जाऊन अर्ज करू शकतात. एनटीपीसीच्या म्हणण्यानुसार, उमेदवारांची नियुक्ती गेट स्कोअर २०२४ द्वारे केली जाईल.
एनटीपीसीच्या या रिक्त जागेत एकूण ४७५ प्रशिक्षणार्थी अभियांत्रिकीची नियुक्ती केली जाईल. यामध्ये इलेक्ट्रिकल इंजिनीअरच्या १३५, मेकॅनिकल इंजिनीअरिंगच्या १८० पदे, इलेक्ट्रॉनिक्सच्या ८५ पदे, सिव्हिल इंजिनीअरिंगच्या ५० जागा, मायनिंग इंजिनीअरिंगच्या २५ पदांचा समावेश आहे. रिक्त पदांशी संबंधित सविस्तर माहितीसाठी उमेदवारांना अधिकृत अधिसूचना वाचण्याचा सल्ला देण्यात आला आहे.
उमेदवारांसाठी कमाल वयोमर्यादा २७ वर्षे आहे. एससी/ एसटी / ओबीसी/पीडब्ल्यूबीडी/ सरकारी मार्गदर्शक तत्त्वांनुसार माजी सैनिक उमेदवारांना वयोमर्यादेत सूट लागू असेल.
पात्र उमेदवारांनी ग्रॅज्युएट अॅप्टिट्यूड टेस्ट इन इंजिनीअरिंग (गेट) २०२४ मध्ये उपस्थित राहून परीक्षा उत्तीर्ण करणे आवश्यक आहे. अर्ज करणाऱ्या उमेदवारांना गेट-२०२४ मधील कामगिरी आणि संस्थेच्या गरजेनुसार कागदपत्र पडताळणीसाठी शॉर्टलिस्ट केले जाईल.
या भरतीसाठी अर्ज करण्यासाठी उमेदवारांना ३००/- रुपये अर्ज शुल्क भरावे लागेल. एससी, एसटी, पीडब्ल्यूडी आणि महिला उमेदवारांना कोणतेही शुल्क भरावे लागणार नाही. या भरतीसंदर्भात अधिक माहिती जाणून घेण्यासाठी इच्छुक उमेदवारांनी एनटीपीसीच्या अधिकृत वेबसाइटला भेट द्यावी.
संबंधित बातम्या