Tata Festive Season : टाटाची नवरात्र ऑफर सुरू, नवरात्र दिवाळीत स्वस्त कार विकत घेता येणार

टाटा मोटर्सने आपल्या कारवर नवरात्र, दसरा आणि दिवाळी ऑफर जाहीर केल्या आहेत. ऑफरनंतर तुम्हाला या कंपनीच्या कार अतिशय स्वस्तात खरेदी करण्याची संधी मिळेल.टाटाने ही ऑफर सर्व मॉडेल्सवर आणलेली नाही. कंपनी फक्त ५ मॉडेल्सवर ही सूट देत आहे. ज्या मॉडेल्सवर सूट दिली जात आहे त्यात टाटा हॅरियर, टाटा सफारी, टाटा टियागो, टाटा टिगोर आणि टाटा नेक्सॉन यांचा समावेश आहे.या सवलतीमुळे ग्राहकांना ४० हजार रुपयांपर्यंतचा लाभ मिळणार आहे. यामध्ये रोख लाभ, एक्सचेंज बोनस, कॉर्पोरेट सूट यांचा समावेश आहे. या वर्षी टाटा कारची मागणी सातत्याने वाढत आहे. विशेषत: पंच हा हॉट फेव्हरेट राहिला आहे.

Tata Nexon वर २० हजार रुपयांपर्यंत सूट

टाटा या महिन्यात सर्वात जास्त विकली जाणारी SUV Nexon वर देखील सूट देत आहे. या SUV वर एकूण २० हजार रुपयांपर्यंत सूट उपलब्ध आहे. डिझेल व्हेरिएंटवर १५ हजार रुपयांचा एक्सचेंज बोनस आणि ५ हजार रुपयांची कॉर्पोरेट सूट मिळत आहे. त्याच वेळी, कंपनी आपल्या पेट्रोल व्हेरिएंटवर ३ हजार रुपयांची कॉर्पोरेट सूट देत आहे. नेक्सॉनने ऑगस्टमध्ये मागणीच्या बाबतीत ह्युंदाई क्रेटालाही मागे टाकले आहे. कंपनीने नुकतेच त्याचे जेट एडिशनही लॉन्च केले आहे.

Tata Tigor वर २३ हजार रुपयांपर्यंत सूट

टाटा आपल्या सेडान टिगोरवर ३ हजार रुपयांपर्यंत सूट देत आहे. Tiago च्या XE आणि XM प्रकारांना १० हजार रुपयांचा एक्सचेंज बोनस आणि ३ हजार रुपयांची कॉर्पोरेट सूट मिळत आहे. त्याच वेळी, Tigor च्या XZ आणि XZ+ प्रकारांवर १० हजार रुपयांची रोख सूट, १० हजार रुपयांचा एक्सचेंज बोनस आणि ३ हजार रुपयांची कॉर्पोरेट सूट मिळत आहे. टिगोरची एक्स-शोरूम किंमत ५ लाख ९९ हजार ते ८ लाख ५८ हजार रुपये आहे. हे एमटी आणि एएमटी दोन्ही ट्रान्समिशनमध्ये खरेदी केले जाऊ शकते.

Tata Tiago वर २३ हजार रुपयांपर्यंत सूट

टाटा त्याच्या लोकप्रिय हॅचबॅक Tiago वर २३ हजार रुपयांपर्यंत सूट देत आहे. Tiago च्या XE आणि XT प्रकारांना १० हजार रुपयांचा एक्सचेंज बोनस आणि ३ हजार रुपयांची कॉर्पोरेट सूट मिळत आहे. त्याच वेळी, Tiago च्या XZ Plus प्रकारावर १० हजार रुपयांची रोख सूट, १० हजार रुपयांचा एक्सचेंज बोनस आणि ३ हजार रुपयांची कॉर्पोरेट सूट मिळत आहे. Tiago ची एक्स-शोरूम किंमत ५ लाख ३९ हजार ते ७ लाख ८१ हजार रुपये आहे. हे एमटी आणि एएमटी दोन्ही ट्रान्समिशनमध्ये खरेदी केले जाऊ शकते.

Tata Harrier आणि Safari वर ४० हजार रुपयांपर्यंत सूट

टाटा त्यांच्या दोन सर्वात प्रीमियम SUV, Harrier आणि Safari वर ४० हजार पर्यंत सूट देत आहे. कोणत्याही टाटा कारवर तुम्हाला मिळू शकणारी ही सर्वोच्च सूट आहे. कंपनी ही सूट एक्सचेंज बोनस म्हणून देत आहे. दोन्ही वाहनांवर समान ऑफर उपलब्ध आहे. हॅरियरची एक्स-शोरूम किंमत १४ लाख ६९ हजार ते २२ लाख ४ हजार रूपये आहे. त्याच वेळी, सफारीची एक्स-शोरूम किंमत १५ लाख ३४ हजार ते २३ लाख ५ हजार रुपये आहे.

या मॉडेल्सवर कोणतीही सूट मिळणार नाही

टाटा त्याच्या सर्वात आवडत्या कॉम्पॅक्ट SUV पंचसह Altroz ​​वर कोणतीही सूट देत नाही. मात्र, गेल्या महिन्यात कंपनी Altroz ​​वर २५ हजार रुपयांपर्यंत सूट देत होती. त्याचप्रमाणे, टाटा टियागोच्या NRG आणि CNG मॉडेल्सवर कोणतीही सूट उपलब्ध नाही. टिगोरच्या सीएनजी मॉडेलवरही कोणतीही सूट नाही. कंपनी इलेक्ट्रिक सेगमेंटमध्ये Tigor EV, Nexon EV आणि Nexon EV Max वर कोणतीही सूट देत नाही.