मोठी बातमी! नितीश कुमार यांचा मोदी-शहांना झटका; मणिपूरमधील भाजप सरकारचा पाठिंबा काढला

मणिपूर विधानसभेत जनता दल युनायटेडचे अब्दुल नासिर हे एकमेव आमदार आहेत. जेडीयू एनडीएमध्ये असल्यामुळं नासिर हे मणिपूर सरकारसोबत होते. विधानसभेत ते सत्ताधारी बाकांवर बसत होते. मात्र, पक्षानं आता राज्यपाल, विधानसभा अध्यक्ष आणि सभागृह नेत्यांना पत्र लिहून पाठिंबा काढल्याचं स्पष्ट केलं आहे. त्यामुळं आमच्या आमदाराची बसण्याची व्यवस्था विरोधी बाकांवर करावी, अशी विनंतीही केली आहे. 

नितीशकुमार यांनी भाजप सरकारचा पाठिंबा नेमका का काढून घेतला याचं कारण अद्याप समोर आलेलं नाही. येत्या काही तासांत पक्षाकडून याची औपचारिक घोषणा होण्याची शक्यता आहे.

हेही वाचा: सत्तेत येताच ट्रम्प यांचा दणका! ‘या’ मुलांना मिळणार नाही नागरिकत्व, भारतीयांनाही बसणार फटका

सरकारला धोका नाही!

संयुक्त जनता दलानं पाठिंबा काढला असला तरी मणिपूरचे मुख्यमंत्री एन बिरेन सिंग यांच्या नेतृत्वाखालील भाजप सरकारला कुठलाही धोका नाही. भाजपला विधानसभेत मजबूत बहुमत आहे. मणिपूरमध्ये विधानसभेच्या ६० जागांपैकी भाजपकडं ३७ जागा आहेत. तसंच, भाजपला नागा पीपल्स फ्रंटच्या ५ आमदारांचा आणि तीन अपक्षांचा पाठिंबा आहे.

पक्षांतराचा मुद्दा अजूनही न्यायप्रविष्ट

मणिपूरमध्ये २०२२ साली झालेल्या विधानसभा निवडणुकीत संयुक्त जनता दलानं ६ जागा जिंकल्या होत्या. मात्र, त्यापैकी पाच आमदारांनी नंतर भाजपमध्ये प्रवेश केला. राज्यघटनेच्या दहाव्या अनुसूचीनुसार त्यांच्या अपात्रतेचा मुद्दा अद्यापही सभापतींच्या न्यायाधिकरणासमोर प्रलंबित आहे.

Viral News : डोनाल्ड ट्रम्पच्या शपथविधीत एलॉन मस्क यांचा नाझी सॅल्यूट; नेटकऱ्यांमध्ये उसळली संतापाची लाट

एनपीपीनं आधीच काढलाय सरकारचा पाठिंबा

मणिपूरमध्ये कुकी आणि मैती यांच्यात झालेल्या वांशिक हिंसाचाराच्या पार्श्वभूमीवर नोव्हेंबर २०२४ मध्ये कॉनराड संगमा यांच्या नॅशनल पीपल्स पार्टीनं (NPP) भाजपप्रणित सरकारचा पाठिंबा काढून घेतला होता. भाजप सरकार राज्यात कायदा-सुव्यवस्था राखण्यात अपयशी ठरल्याचा आरोप एनपीपीनं केला होता.