Green Hydrogen : नितीन गडकरींचं स्वप्न सत्यात उतरलं तर इंधनाची होईल क्रांती, गडकरी म्हणाले…

एका अहवालानुसार गडकरी म्हणाले की, पेट्रोलियम, बायोमास, सेंद्रिय कचरा आणि सांडपाणी यापासून ग्रीन हायड्रोजन बनवता येऊ शकतो. विमान वाहतूक (विमान), रेल्वे आणि वाहन उद्योग यासह अनेक क्षेत्रात याचा वापर केला जाऊ शकतो. टोयोटा मिराई ही हायड्रोजनवर चालणारी कार आहे. हायड्रोजनने टाकी भरल्यानंतर ती कार ६५० किमी पर्यंत जाऊ शकते.

कशा प्रकारे काम करते हायड्रोजन कार

ही फक्त इलेक्ट्रिक कार आहे. ही कार चालवण्यासाठी लागणारी वीज त्यात बसवलेल्या हायड्रोजन फ्युएल सेलमधून निर्माण केली जाते. या इंधन पेशी वातावरणातील ऑक्सिजन आणि त्याच्या इंधन टाकीतील हायड्रोजन यांच्यात रासायनिक क्रिया करून वीज निर्माण करतात.पाणी (H2O) आणि वीज या दोन वायूंनी रासायनिक क्रिया निर्माण होते आणि कार विजेवर चालते. तर त्यातील पॉवर कंट्रोल युनिट अतिरिक्त पॉवर गाडीतील बॅटरीला साठवून ठेवण्यासाठी पाठवते.

१ लिटर पेट्रोल १.३ लीटर इथेनॉलच्या बरोबरीचे

या कार्यक्रमादरम्यान गडकरींनी पर्यायी इंधन म्हणून इथेनॉलवरही भर दिला. इथेनॉलची किंमत ६२ रुपये प्रतिलिटर असल्याचा खुलासा केला. १ लिटर पेट्रोल १.३ लिटर इथेनॉलच्या बरोबरीचे आहे.म्हणजेच इथेनॉलचे कॅलरी मूल्य पेट्रोलपेक्षा कमी आहे. 

रस्ते पायाभूत सुविधा अमेरिकेच्या बरोबरीने आणणार

गडकरी म्हणाले की २०२४ च्या समाप्तीपूर्वी भारतातील रस्ते पायाभूत सुविधा अमेरिकेच्या बरोबरीने साध्य कराव्या लागतील. हरित पर्यायी साहित्य वापरण्यासह पायाभूत सुविधांच्या विकासात आणि तंत्रज्ञानामध्ये देशात प्रचंड क्षमता आहे, असेही गडकरी म्हणाले. “नागपुरात आम्ही सांडपाण्याच्या पाण्याचा पुनर्वापर करत आहोत. ते राज्य सरकारला वीज प्रकल्पासाठी विकत आहोत. यामुळे आम्हाला दरवर्षी ३०० कोटी रुपयांची रॉयल्टी मिळत आहे. भारतात घन आणि द्रव कचरा व्यवस्थापनात ५ लाख कोटी रुपये मिळवून देण्याची प्रचंड क्षमता आहे असंही गडकरी म्हणाले.