NIA And ED Raid : ईडी आणि एनआयएचं देशभरात छापासत्र; PFI च्या १०० जणांना अटक
NIA And ED Raid : पॉप्यूलर फ्रंट ऑफ इंडियाच्या देशभरातील प्रदेशाध्यक्षांवर आणि जिल्हाध्यक्षांवर ईडी आणि एनआयएनं छापेमारी केली आहे. ही संघटना आतंकवाद्यांना पैसा पुरवत असल्याचा तपास यंत्रणांना संशय आहे.
NIA And ED Raid In Kerala : ईडी आणि एनआयएनं मध्यरात्री पॉप्यूलर फ्रंट ऑफ इंडिया या संघटनेच्या लोकांवर देशभरात छापेमारी केल्याची माहिती समोर येत आहे. संघटनेचे अध्यक्ष ओएमए सलाम यांच्या घरावरही छापा मारण्यात आला असून देशभरातील प्रदेशाध्यक्ष आणि जिल्हाध्यक्षांवर ईडीनं कारवाई केली आहे.
१० राज्यांच्या पोलिसांची मदत घेऊन एनआयए आणि ईडीनं ही कारवाई केली आहे. आतंकवाद्यांना फंडिंग करणे आणि त्यांच्यासाठी प्रशिक्षण शिबीरं आयोजित करण्याचा आरोपी पीएफआयवर आहे. त्यामुळं मध्यरात्री करण्यात आलेल्या या कारवाईत संघटनेच्या १०० लोकांना अटक करण्यात आल्याची माहिती आहे. देशभरातील या छापासत्रानंतर संघटनेच्या कार्यकर्त्यांनी केरळच्या मलप्पुरममध्ये जोरदार आंदोलन करत तपास यंत्रणांविरोधात घोषणाबाजी केली आहे.
चेन्नईतही छापेमारी...
एनआयएनं तामिळनाडूतील कोयंबटूर, कुड्डलोर, रामनाद, दिंडुगल, थेनी आणि थेनकाशी या ठिकाणांवरही छापेमारी केली आहे. याशिवाय चेन्नईत राहणाऱ्या अनेक PFI च्या नेत्यांच्या घरावर छापे मारण्यात आले आहेत. त्याचबरोबर संघटनेच्या चेन्नईतील मुख्यालयावरही रेड मारण्यात आली आहे.
दरम्यान एक आठवड्यापूर्वी एनआयएनं आंध्रप्रदेशात वेगवेगळ्या भागांत छापेमारी केली होती. त्यानंतर तपास यंत्रणांनी संघटनेच्या काही पदाधिकाऱ्यांना चौकशीसाठी बोलावलं होतं. त्यानंतर आता ईडी आणि एनआयएनं पॉप्यूलर फ्रंट ऑफ इंडिया या संघटनेविरोधात देशभरात छापेमारी केली आहे.
विभाग