NEET UG 2024 Re-Exam Results : नीट यूजी पुनर्परीक्षेचा निकाल जाहीर; एका क्लिकवर पाहा तुमचे सुधारीत गुण
How Check NEET UG 2024 Re-Exam Results: नीट यूजी पुनर्परीक्षेचा निकाल कसा आणि कुठे पाहायचा? जाणून घ्या सविस्तर माहिती
NEET UG 2024 Re-Exam Results Declared: नॅशनल टेस्टिंग एजन्सी म्हणजेच एनटीएने नीट यूजी २०२४ च्या पुनर्परीक्षेचे निकाल जाहीर केले आहेत. ज्या उमेदवारांनी पुनर्परीक्षा दिली आहे, ते आता एनटीएची अधिकृत वेबसाईट exams.nta.ac.in/NEET/ वर आपले सुधारित गुण तपासू शकतात.
एनटीएने २३ जून रोजी १ हजार ५६३ उमेदवारांची फेरपरीक्षा आयोजित केली होती, ज्यांना यापूर्वी नीट यूजी परीक्षेत वेळेचा अपव्ययामुळे ग्रेस मार्क्स देण्यात आले होते आणि नंतर माननीय सर्वोच्च न्यायालयाने ते रद्द केले होते, ज्यामुळे उमेदवारांना पुन्हा परीक्षेचा पर्याय निवडण्याचा किंवा ग्रेस मार्क्स वगळून मूळ गुण कायम ठेवण्याचा पर्याय देण्यात आला होता.
नीट यूजी २०२३ पुनर्परीक्षेचा निकाल असा तपासा
- नीट यूजी 2024 च्या अधिकृत वेबसाइट exams.nta.ac.in/NEET येथे भेट द्यावी.
- होमपेजवर 'नीट यूजी पुनर्परीक्षेचा निकाल २०२४' असा पर्याय असेल, त्यावर क्लिक करा.
- अॅप्लिकेशन नंबर, डीओबी आणि सिक्युरिटी पिन यासारख्या लॉगिन क्रेडेन्शियल्स प्रविष्ट करा.
- एक नवीन विंडो ओपन होईल आणि स्कोअरकार्ड स्क्रीनवर प्रतिबिंबित होईल.
- स्कोअरकार्ड डाउनलोड करा आणि भविष्यातील संदर्भासाठी नीट यूजी २०२४ स्कोअरकार्डची प्रिंटआऊट काढा.
उमेदवारांनी आपल्या स्कोअरकार्डमध्ये त्यांचा फोटो आणि बारकोड आहे याची खात्री करावी किंवा ते गहाळ असल्यास ते पुन्हा डाउनलोड करावे. १ हजार ५६३ पैकी केवळ ८१३ विद्यार्थ्यांनी फेरपरीक्षा दिली. उर्वरित ४८ टक्के उमेदवारांनी ग्रेस मार्क्स वगळून मूळ गुणांची निवड केली.
विशेष म्हणजे हरियाणातील झज्जर केंद्रावर अनेक टॉप रँकर्स समोर आल्याने चौकशीच्या फेऱ्यात सापडलेले ४९४ पैकी २८७ उमेदवार नीट यूजी २०२४ पुनर्परीक्षेला बसले होते. पुनर्परीक्षेला निकाल लागल्यानंतर वैद्यकीय समुपदेशन समिती (एमसीसी) ६ जुलैपासून समुपदेशन प्रक्रिया सुरू करणार आहे. नीट यूजी परीक्षा २०२४ ५ मे रोजी घेण्यात आली होती, ज्यात २४ लाखांहून अधिक उमेदवारांनी परीक्षा दिली होती. एनटीएने ४ जून २०२४ रोजी निकाल जाहीर केला, ज्यात ६७ विद्यार्थ्यांनी ७२० गुण मिळवले.
संबंधित बातम्या