मराठी बातम्या  /  देश-विदेश  /  Narendra Modi 3.0 Cabinet : मोदी सरकारचे खातेवाटप जाहीर; गृहमंत्रीपद शहांकडेच, पाहा कोणाला कोणत्या मंत्रालयाची जबाबदारी

Narendra Modi 3.0 Cabinet : मोदी सरकारचे खातेवाटप जाहीर; गृहमंत्रीपद शहांकडेच, पाहा कोणाला कोणत्या मंत्रालयाची जबाबदारी

Jun 10, 2024 07:51 PM IST

Modi 3.0 ministers portfolios announced : एनडीए सरकारचे खातेवाटप जाहीर झाले असून गृह, संरक्षण, अर्थ, परराष्ट्र, रस्ते, तसेच रेल्वे मंत्रालय भाजपने आपल्याकडे ठेवली आहेत. त्याचबरोबर या मंत्रालयाची जबाबदारी आधीच्याच मंत्र्यांवर सोपवली आहे.

मोदी सरकारचे खातेवाटप जाहीर
मोदी सरकारचे खातेवाटप जाहीर

NDA government ministers portfolios  : नरेंद्र मोदी यांनी पंतप्रधानपदाची शपथ घेतल्यानंतर जवळपास २४ तासानंतर खातेवाटप (Council of Ministers) झाले आहे. पंतप्रधान मोदींनी गृहमंत्रालय अमित शहांकडे सोपवले आहे. राजनाथ सिंह यांच्याकडे पुन्हा संरक्षण खात्याची जबाबदारी देण्यात आली आहे तर नितीन गडकरी यांच्याकडे रस्ते व परिवहन मंत्रालय तर एस जयशंकर यांच्याकडे परराष्ट्र मंत्रालयाची जबाबदारी कायम ठेवण्यात आली आहे. अजय टम्टा आणि हर्ष मल्होत्रा रस्ते परिवहन आणि महामार्ग मंत्रालयाचे राज्य मंत्री असतील.

ट्रेंडिंग न्यूज

LJP (रामविलास) चे प्रमुख चिराग पासवान यांच्याकडे क्रीडा मंत्रालय सोपवण्यात आले आहे. हरियाणाचे माजी मुख्यमंत्री मनोहर लाल खट्टर यांच्याकडे दोन मंत्रालयाची जबाबदारी देण्यात आली आहे. ते घरकूल तसेच ऊर्जा मंत्रालय सांभाळतील. श्रीपाद नाईक यांना ऊर्जा राज्यमंत्री बनवण्यात आले आहे. तोखम साहू यांच्याकडे घरकूल राज्यमंत्र्याची जबाबदारी असेल.

मध्य प्रदेशचे माजी मुख्यमंत्री शिवराज सिंह चौहान यांच्याकडे कृषी आणि शेतकरी कल्याण मंत्रालय सोपवले आहे. त्याचबरोबर त्यांच्याकडे  पंचायत आणि ग्रामीण विकास मंत्रालयाची जबाबदारीही सोपवण्यात आली आहे. मोदी सरकार २.० मध्ये रेल्वे मंत्रालय सांभाळणाऱ्या अश्विनी वैष्णव यांना माहिती व प्रसारण मंत्रालय दिले आहे.

बिहारचे माजी मुख्यमंत्री आणि HAM पार्टीचे अध्यक्ष जीतन राम मांझी यांना सूक्ष्म, लघु आणि मध्यम उद्योग मंत्रालय दिले आहे. शोभा करंदलाजे यांना या विभागाचे राज्यमंत्री बनवले आहे. निर्मला सीतारामण यांच्याकडे पुन्हा एकदा अर्थ मंत्रालयाची धुरा देण्यात आली आहे.

रविवारी नरेंद्र मोदींनी पंतप्रधानपदाची तिसऱ्यांदा शपथ घेतली. त्यांच्यासोबत ७१ मंत्र्यांनी शपथ घेतली. यामध्ये ३० कॅबिनेट मंत्री, ५ स्वतंत्र प्रभार मंत्री आणि ३६ राज्य मंत्री आहेत. 

मोदी ३.०  मध्ये कोणाला कोणते मंत्रालय?

  • राजनाथ सिंह - संरक्षण मंत्री
  • अमित शहा- गृहमंत्री
  • एस जयशंकर- परराष्ट्र व्यवहार मंत्री
  • निर्मला सीतारामण- अर्थ मंत्री
  • नितिन गडकरी- रस्ते परिवहन आणि महामार्ग विकास मंत्री
  • चिराग पासवान- क्रीडा आणि युवक कल्याण मंत्री
  • शिवराज सिंह चौहान- कृषी आणि ग्रामीण विकास, पंचायती राज मंत्री
  • मनोहर लाल खट्टर- आवास आणि ऊर्जा मंत्री
  • अश्विनी वैष्णव- रेल्वे आणि सूचना व प्रसारण मंत्री
  • जीतन राम मांझी- MSME मंत्री
  • राममोहन नायडू- नागरिक उड्डाण (सिविल एविएशन) मंत्री
  • भूपेंद्र यादव- पर्यावरण मंत्री
  • गजेंद्र शेखावत-  संस्कृती आणि पर्यटन मंत्री
  • सीआर पाटील - जलशक्ति मंत्री
  • किरेन रिजिजू- संसदीय कार्य मंत्री
  • धर्मेंद्र प्रधान- शिक्षण मंत्री
  • एचडी कुमारस्वामी- अवजड उद्योग आणि खाण मंत्री 
  • जेपी नड्डा- आरोग्य मंत्री
  • प्रह्लाद जोशी-  फूड, कंज्यूमर अफेयर आणि रिन्यूएबल एनर्जी मंत्री
  • हरदीप सिंह पुरी- पेट्रोलियम मंत्री
  • अन्नपूर्णा देवी- महिला आणि बाल कल्याण मंत्री
  • ज्योतिरादित्य सिंधिया- टेलीकॉम मंत्री
  • गिरिराज सिंह- टेक्सटाइल मंत्री
  • मनसुख मांडविया- श्रम और रोजगार मंत्री 

 

 

टी-२० वर्ल्डकप २०२४