क्रुरकर्मा पुत्र..! वृद्ध आईची कुदळीने वार करून हत्या, वडिलांनी असा वाचवला स्व:चा जीव

जिबछी देवी (६५, गोपालपूर) असे मृत्यू झालेल्या महिलेचे नाव आहे. आईची हत्या केल्यानंतर आरोपी लालबाबू यादव (३५) स्वत: पोलीस ठाण्यात हजर होत गुन्हा कबूल केला. त्यानंतर पोलिसांनी त्याला अटक केली. पोलिसांनी घटनास्थळी दाखल होत घटनेचा पंचनामा केला. 

आरोपी मानसिक आजारी -

ग्रामस्थांनी सांगितले की, आरोपी मानसिकदृष्ट्या आजारी आहे. तो समस्तीपूरमधून डीएलएड कोर्स करत होता. शिक्षणासाठी तो आई-वडिलांकडे वारंवार पैशाची मागणी करत होता. आईची हत्या करण्यापूर्वी आरोपीने वडिलांवरही हल्ला केला होता. मात्र पळून गेल्याने वडिलांचा जीव वाचला होता. गंगौर पंचायतीचे सरपंच शिवचंद्र मिश्रा यांनी सांगितले की, कुटूंबाची आर्थिक स्थिती खूपच दयनीय आहे. 

खेळताना भांडणाऱ्या बहिणींना वडिलांकडून बेदम मारहाण; एकीचा मृत्यू, दुसरी आयसीयूमध्ये!

पोलिसांनी सांगितले की, आरोपी तरुणाला अटक करण्यात आली असून घटनेचा सखोल तपास केला जात आहे. एफएसएल टीमने घटनास्थळी दाखल होत तपास सुरू केला. आरोपी तरुणाला कडक सुरक्षेत ठेवण्यात आले आहे, जेणेकरून तो पुन्हा हिंसक होणार नाही. एसडीपीओने म्हटले की, गावकऱ्यांशी चौकशी करून माहिती मिळवली जात आहे. 

समस्तीपूरमध्ये कोचिंगमध्ये शिकवत होता आरोपी -

आरोपी लालबाबू यादव समस्तीपूरमध्ये कोचिंग चालवत होता. तो सीटीईटी पास होता व डीएलएडमध्ये फायनलनंतर आपल्या आई-वडिलांकडे पैशाची मागणी करत होता.आई वृद्ध झाली होती, व्यवस्थिती चालूही शकत नव्हती. कंबरही वाकली होती. तर वडिलांच्या स्थितीतही तशीच होती. कशीतरी शेतरी करत ते उदरनिर्वाह करत होते. बेरोजगारी आणि आर्थिक तंगीचा सामना करत असलेला तरुण आपल्या शिक्षणासाठी कोचिंगमध्ये शिकवत होता.

कोलकता येथील ट्रेनी डॉक्टर सोबत भयंकर घडलं! आरोपीने गुप्तांगावर केले वार! शवविच्छेदन अहवालात धक्कादायक माहिती उघड

गावातील लोक सांगतात की, १० दिवसापूर्वीच तो समस्तीपूर आला होता. आधी तो चांगला होता मात्र पैशाची गरज जसजशी वाढू लागली तसे त्याच्या मानसिक आरोग्यावर परिणाम झाला. वडील हिताय यादव आपल्या मुलीची व्यथा सांगताना म्हणाले की, घटनेच्या आधापासून तो पैशाची मागणी करत होता. पैशासाठी जमीन विकण्याचा हट्ट करत होता.