मराठी बातम्या  /  देश-विदेश  /  PM Modi Oath Ceremony : नरेंद्र मोदी तिसऱ्यांदा पंतप्रधानपदी विराजमान, पंडित नेहरूंच्या विक्रमाशी बरोबरी

PM Modi Oath Ceremony : नरेंद्र मोदी तिसऱ्यांदा पंतप्रधानपदी विराजमान, पंडित नेहरूंच्या विक्रमाशी बरोबरी

Jun 09, 2024 10:41 PM IST

Narendra Modi Swearing-In Ceremony : मोदींच्या शपथविधीसाठी परदेशी पाहुण्यांचे आगमन झाले आहे. मॉरिशसचे पंतप्रधान प्रविंद जुगनाथ दिल्लीत पोहोचले आहेत. मालदीवचे अध्यक्ष मोहम्मद मोइज्जूही दिल्लीत आले आहेत. त्याचबरोबर नेपाळसह अन्य देशांचे प्रमुखही उपस्थित राहाणार आहेत.

मोदींचा शपथविधी सोहळा थोड्याच वेळात सुरू
मोदींचा शपथविधी सोहळा थोड्याच वेळात सुरू

नरेंद्र मोदी यांनी सलग तिसऱ्यांदा पंतप्रधानपदाची शपथ घेतली आहे. नरेंद्र मोदींनी तिसऱ्यांदा पंतप्रधानपदी विराजमान होत माजी पंतप्रधान जवाहरलाल नेहरूंच्या विक्रमाची बरोबरी केली आहे. पंतप्रधान नरेंद्र मोदी यांच्यासोबत ७२ मंत्र्यांचा शपथविधी पार पडला. दिल्लीतील या सोहळ्याला सर्व क्षेत्रातील दिग्गजांनी हजेरी लावली होती. राष्ट्रपती भवनाच्या प्रांगणात मोदी कॅबिनेट ३.० चा शपथविधी सोहळा संपन्न झाला.

ट्रेंडिंग न्यूज

Narendra modi oath ceremony live updates-

 

  • मोदीच्या मंत्रिमंडळात पंतप्रधान नरेंद्र मोदी यांच्यासह ७२ मंत्र्यांचा समावेश असून यामध्ये ३० कॅबिनेट मंत्री, ३६ राज्यमंत्री, ५ स्वतंत्र प्रभार असलेले राज्यमंत्र्यांचा समावेश आहे. यात देशाच्या कानाकोपऱ्यातून तसेच सामाजिक गटांच्या प्रतिनिधींचा समावेश आहे. त्यात इतर मागासप्रवर्गाचे २७, अनुसूचित जातीचे १०, अनुसूचित जमातीचे ५ आणि अल्पसंख्याकांचे ५ मंत्री आहेत. १
  • मोदींसह अमित शहा, राजनाथ सिंह. नितीन गडकरी आदि वरिष्ठ नेत्यांनी मंत्रिपदाची शपथ घेतली.
  • नरेंद्र मोदींनी तिसऱ्यांदा घेतली पंतप्रधानपदाची शपथ-

PM Modi Oath ceremony Live: नरेंद्र मोदींनी सलग तिसऱ्यांदा पंतप्रधान पदाची शपथ घेतली. त्यांनी माजी पंतप्रधान पंडित जवाहर लाल नेहरू यांच्या विक्रमाशी बरोबरी केली आहे. 

  • नरेंद्र मोदी राष्ट्रपती भवन परिसरात दाखल.
  • काँग्रेस अध्यक्ष मल्लिकार्जुन खर्गे शपथविधीसोहळ्यासाठी हजर
  • PM Modi Oath ceremony Live:शपथविधी सोहळ्यासाठीपाहुणे पोहोचले

PM Modi Oath ceremony Live:पंतप्रधान नरेंद्र मोदी यांच्या शपथविधी सोहळ्यासाठी भाजप नेते गिरिराज सिंह,निर्मला सीतारामण आणि हरदीप सिंह पुरी यांच्याह सर्व निमंत्रित पाहुणे राष्ट्रपती भवनाच्या परिसरात दाखल झाले आहेत. आज सायंकाळी सव्वा सात वाजता नरेंद्र मोदी पंतप्रधान पदाची शपथ घेतील.

  • राज्यमंत्री स्वतंत्र प्रभार बाबतसूचना मिळाली - प्रफुल्ल पटेल

PM Modi Oath ceremony Live:एनसीपी नेते प्रफुल्ल पटेल यांनी म्हटले की, आम्हाला राज्यमंत्री स्वतंत्र प्रभार मंत्रालयाबाबत माहिती मिळाली होती. मात्र मी याआधी केंद्र सरकारमध्ये कॅबिनेट मंत्री राहिलो आहे. त्यामुळे हे पद घेणे थोडे कठीण आहे. मात्र ज्या अफवा पसरवल्या जात आहेत, त्या चुकीच्या आहेत. आमच्यात कोणतेही मतभेद नाहीत.

 

  • किन्नर व ट्रान्सजेंजरही असणार उपस्थित -

किन्नर आणि ट्रांसजेंडर्संना राष्ट्रपती भवनात मोदी३.०च्या शपथविधी सोहळ्यासाठी आमंत्रित करण्यात आले आहे. देशाच्या वेगवेगळ्या राज्यातील २० किन्नर आणि ट्रांसजेंडर या सोहळ्याला उपस्थित राहतील. यूपी सरकारमध्ये दर्जा प्राप्त मंत्री सोनम (किन्नर) च्या नेतृत्वात या सर्व तृतीयपंथी शपथविधी सोहळ्यासाठी दिल्लीत दाखल झाल्या आहेत.

  • महाराष्ट्राला मिळणार ६ मंत्रीपदे, दोन घटक पक्षांचाही समावेश -

मोदी ३.०कॅबिनेटमध्ये महाराष्ट्रातील ६ खासदारांना संधी मिळू शकते. यामध्ये भाजपचे वरिष्ठ नेते नितिन गडकरी सलग तिसऱ्यांदा मंत्री बनणार आहेत. त्याचबरोबर खासदार पीयूष गोयल,पुण्याचे पहिल्यांदाच खासदार बनलेले मुरलीधर मोहोल आणि रक्षा खडसे यांचा या यादीत समावेश आहे. शिवसेना शिंदे गटाकडून प्रतापराव जाधव आणि आरपीआयकडून रामदास आठवले मोदी सरकारचा हिस्सा बनतील.

टी-२० वर्ल्डकप २०२४