मराठी बातम्या  /  देश-विदेश  /  Vande Bharat : मुंबई-अहमदाबाद मार्गावर लवकरच तिसरी वंदे भारत! ताशी १६० किमी वेगाने धावणार, काय आहेत वैशिष्ट्ये?

Vande Bharat : मुंबई-अहमदाबाद मार्गावर लवकरच तिसरी वंदे भारत! ताशी १६० किमी वेगाने धावणार, काय आहेत वैशिष्ट्ये?

Shrikant Ashok Londhe HT Marathi
May 19, 2024 06:19 PM IST

Vande Bharat Train : मुंबई-अहमदाबाद रूट वर पुढची वंदे भारत १६० किमी प्रतितास वेगाने धावेल. या मार्गावर नवीन वंदे भारतचे तिसरे व अंतिम ट्रायल पूर्ण झाले आहे.

वंदे भारत ट्रेन
वंदे भारत ट्रेन

Vande Bharat Express Train: मुंबई-अहमदाबाद मार्गावर आधीपासून दोन वंदे भारत धावत आहेत. लवकरच या मार्गावर तिसरी वंदे भारत धावताना दिसणार आहे. या मार्गावर धावणार ही वंदे भारत काहीशी खास असेल. सांगितले जात आहे की, मुंबई-अहमदाबाद रूट वर पुढची वंदे भारत १६० किमी प्रतितास वेगाने धावेल. या मार्गावर नवीन वंदे भारतचे तिसरे व अंतिम ट्रायल पूर्ण झाले आहे. या अत्याधुनिक ट्रेनची निर्मिती चेन्नईमधील इंटीग्रल कोच फॅक्टरीमध्ये करण्यात आले आहे. याचे १५००० किलोमीटरचे ट्रायल रन सुरु केले आहे. 

ट्रेंडिंग न्यूज

viral video : ऑरेंज आइसक्रीम आवडीने खाताय? मग हा व्हिडिओ एकदा बघाच, पुन्हा खायची इच्छा होणार नाही!
  
प्रवाशांचा वेळ वाचवणार वंदे भारत -
नवीन वंदे भारत ट्रेन स्पीडसोबत प्रवासी सुविधा आणि सुरक्षेच्या बाततीतही अन्य वंदे भारतहून सरस असणार आहे. नवी दिल्ली-वाराणसी आणि नवी दिल्ली-कटरा सारख्या अन्य मार्गांवर धावणाऱ्या वंदे भारत ट्रेन्सच्या तुलनेत मुंबई-अहमदाबाद मार्गावर धावणारी वंदे भारत अनेक अर्थाने उजवी असले. मुंबई-अहमदाबाद मार्गावर नवीन वंदे भारत ट्रेन सुरू झाल्यानंतर प्रवाशांचा ४५ मिनिटांचा वेळ वाचणार आहे. या मार्गावर प्रवास करण्यासाठी सध्या जवळपास ५ तास २५ मिनिटांचा वेळ लागतो. या रूटसाठी खास नव्याने डिझाइन केलेले रेक १४० सेकंदात १६० किमी प्रति तास गती पकडण्यास सक्षम असेल.

रिपोर्ट्सनुसार या रूटच्या अन्य वंदे भारत ट्रेन प्रमाणे ही ट्रेनही रविवार सोडून आठवड्याच्या सहा दिवस धावेल. मात्र रेल्वेकडून अधिकृत घोषणा झालेली नाही. मुंबई अहमदाबाद मार्गावर ट्रेन संख्या २२९६२ अहमदाबाद-मुंबई सेंट्रल वंदे भारत अहमदाबादहून ०६:१० वाजता रवाना होते व ११:३५ वाजता मुंबई सेंट्रलला पोहोचते. ही ट्रेन वडोदरा, सूरत, वापी आणि बोरीवली आदि स्टेशनवर थांबे. परतीच्या प्रवासात ट्रेन नंबर २२९६१ मुंबई सेंट्रल-अहमदाबाद वंदे भारत एक्सप्रेस मुंबई सेंट्रल स्थानकातून १५:५५ वाजता रवाना होते व २१:२५ वाजता अहमदाबादला पोहोचते. 

मुंबई-अहमदाबाद मार्गावर वंदे भारत कधीपासून होणार सुरू -
या ट्रेनचे तिसरे व अंतिम ट्रायल झाल्यानंतर स्पष्ट झाले आहे की, लवकरच या ट्रेनची घोषणा केली जाऊ शकते. सध्या लोकसभा निवडणुकीची आदर्श आचार संहिता लागू हे. त्यामुळे कोणतीही नवीन योजना, नवीन ट्रेन आदीची घोषणा केली जाऊ शकत नाही. मात्र ही ट्रेन जून किंवा जुलै महिन्यापासून सुरू होण्याची शक्यता आहे.

काय-काय असणार सुविधा - 
या नव्या ट्रेनमध्ये कोचच्या बाहेर रियर-व्यू कॅमऱ्यासह चार प्लेटफॉर्म-साइड कॅमरेही लावले आहे. चांगले व्हेंटिलेशन, एअर कंडीशनिंग व्यवस्थापन आणि शुद्ध हवेसाठी ट्रेन यूवी रोशनी आणि उच्च दक्षतेचे कंप्रेसर असतील. 

टी-२० वर्ल्डकप २०२४