खाऊचं आमिष दाखवून ८ वर्षीय मुलीवर बलात्कार, रडू लागल्यावर दिली २० रुपयांची नोट अन् तिथंच फसला..

बलात्कार करून हातात दिले २० रुपये -
पोलीस अधिकाऱ्याने सांगितले की, तक्रारीनुसार फेरीवाल्याने चिमुकलीला मिठाईचे आमिष दाखवले होते. त्याचबरोबर तो तिला घेऊन आपल्या घरी गेला व तेथे तिच्यावर बलात्कार केला. त्यानंतर मुलगी रडू लागल्यावर तिच्या हातात २० रुपये दिले. पोलिसांनी सांगितले की, मुलीच्या हातात २० रुपये पाहून आईने चौकशी केली आणि मुलीने तिला घडलेला प्रसंग सांगितला. मुलीच्या हातात पैसे पाहून आईला प्रश्न पडला वमुलीने घडलेला संपूर्ण प्रकार सांगितला. ही घटना ऐकून तिच्या आईला धक्का बसला. यानंतर मुलीच्या आईने पोलीस ठाणे गाठूनआरोपीविरोधात तक्रार दाखल केली. मिळालेल्या माहितीनुसार, आरोप हा स्थानिक फेरीवाला आहे.

पोलिसांनी सांगितले की, आरोपी फेरीवाल्याला अटक करण्यात आली आहे. त्याच्याविरोधात भारतीय न्याय संहिता (बीएनएस) आणि लैंगिक गुन्ह्यांपासून मुलांचे संरक्षण अधिनियम (पॉक्सो) च्या संबंधित कलमान्वये गुन्हा नोंद करण्यात आला आहे.

Daund : तू माझ्या पत्नीशी अनैतिक संबंध ठेवतोस, ऐकून जावयाची सटकली, रागाच्या भरात सासऱ्याला संपवलं

नवी मुंबईत शेजारच्या अल्पवयीन मुलीवर वारंवार बलात्कार –

वाशी येथून एक धक्कादायक घटना उघडकीस आली. शेजारच्या १७ वर्षीय मुलीवर बलात्कार केल्याप्रकरणी पोलिसांनी एका व्यक्तीला अटक केली आहे. याप्रकरणी आरोपीविरोधात गुन्हा दाखल करून पोलिसांनी पुढील कारवाईला सुरुवाात केली आहे. या घटनेने परिसरात एकच खळबळ माजली आहे. मिळालेल्या माहितीनुसार, पीडित मुलगी वाशी येथील कोपरी गावातील एका इमारतीत वास्तव्यास आहे.

आरोपी देखील त्याच इमारतीत राहतो. काही दिवसांपूर्वी पीडिताच्या पोटात दुखू लागल्याने पालकांनी तिला दवाखान्यात नेले. मात्र, वैद्यकीय अहवालात पीडिता तीन महिन्यांची गर्भवती असल्याचे समजले. याप्रकरणी पीडिताच्या पालकांनी तिच्याकडे विचारपूस केले असता तिने संपूर्ण प्रकार सांगितला. आरोपीने २०२० पासून अनेक वेळा पीडितावर बलात्कार केल्याचा आरोप आहे. याप्रकरणी पीडिताच्या पालकांनी स्थानिक पोलीस ठाण्यात तक्रार देताच आरोपीला अटक करण्यात आली.