‘मोदींची स्मरणशक्ती बायडेन यांच्याप्रमाणे हरवत चाललीय’ राहुल गांधींचे हे वक्तव्य दुर्दैवी; परराष्ट्र मंत्रालयाची टीका

भारत आणि अमेरिका यांच्यातील भागीदारी दोन्ही बाजूंच्या चिकाटी, एकजुटीने, परस्पर आदर आणि वचनबद्धतेमुळे निर्माण झाली आहे. राहुल गांधी यांचे हे वक्तव्य त्याला साजेसे नाही, असे परराष्ट्र मंत्रालयाचे प्रवक्ते रणधीर जयस्वाल यांनी म्हटले आहे आहे. 

लोकसभेतील विरोधी पक्षनेत्याने देशाच्या विद्यमान राष्ट्रपतींविषयी असे वक्तव्य करणे खेदजनक आहे. महाराष्ट्र निवडणुकीच्या प्रचार सभेत राहुल गांधी यांनी पंतप्रधान मोदींवर निशाणा साधताना म्हटले की, अमेरिकेच्या राष्ट्राध्यक्षांप्रमाणे पंतप्रधान मोदींची स्मरणशक्तीही कमकुवत झाली आहे.

sambhal masjid case : मुस्लिमांनाच नाही तर हिंदू पक्षकारांनाही दिलासा, समजून घ्या सुप्रीम कोर्टाचा आदेश

विरोधी पक्षनेते राहुल गांधी यांच्या प्रतिक्रियेबाबत प्रवक्ते रणधीर जयस्वाल यांना विचारले असता त्यांनी ही खेदजनक प्रतिक्रिया असल्याचे सांगितले. ते म्हणाले की, भारत आणि अमेरिका यांच्यात चांगले संबंध आहेत. उभय देशांमधील भागीदारी अनेक वर्षांची मेहनत, सहकार्य आणि परस्पर सन्मानावर आधारित आहे. त्यांचे हे वक्तव्य दोन्ही देशांमधील सौहार्दपूर्ण संबंधांशी सुसंगत नाही.

गेल्या आठवड्यात एका वैद्यकीय गटाने बायडेन यांची जाहीर माफी मागितल्यानंतर राहुल गांधी यांनी बायडन यांच्यावरील केलेले वक्तव्य चर्चेत आले. नॅशनल मेडिकोज ऑर्गनायझेशन ऑफ इंडियाने राहुल गांधी यांच्या आई सोनिया गांधी यांना पत्र लिहून याबाबत माहिती दिली आहे. संघटनेचे अध्यक्ष सीबी त्रिपाठी म्हणाले की, एवढ्या मोठ्या पदावर बसलेल्या नेत्याने असे वक्तव्य करणे योग्य नाही. या टिप्पण्या अशोभनीय असून संवेदनशीलतेचा अभाव दर्शवितात.

Explainer: अरबस्तानात नाकारलं, अनेक मुस्लीम देशही गप्प, मग भारतातच वक्फचा गदारोळ का सुरुय?

ते म्हणाले की, जेव्हा लोकांमध्ये सक्रिय असलेल्या व्यक्तीकडून अशी टिप्पणी केली जाते तेव्हा अशा आजारांबद्दल चुकीची माहिती वाढण्याची शक्यता असते. याचा प्रत्यक्ष रुग्णांच्या आकलनावर आणि उपचारांवर नकारात्मक परिणाम होऊ शकतो.

अमेरिकेचे राष्ट्राध्यक्ष जो बायडेन यांच्या तब्येतीबाबत सातत्याने प्रश्न उपस्थित केले जात आहेत. गेल्या दोन वर्षांपासून ते गोष्टी विसरतानाचे तसेच  ठिकठिकाणी फिरतानाचे अनेक व्हिडिओ व्हायरल झाले होते. त्यामुळे वाढत्या वयामुळे बायडन यांची स्मरणशक्ती कमकुवत झाल्याची चर्चा अमेरिकेसह जगभरात सुरू आहे. त्यामुळे त्यांच्या जागी उपराष्ट्रपती कमला हॅरिस यांनी अध्यक्षपदाची निवडणूक लढवली. मात्र, या निवडणुकीत त्यांना पराभवाला सामोरे जावे लागले.