Viral Video: हातावर दिल्ली वडापाव गर्लचा टॅटू काढणारा तरुण ट्रोल, कमेंट वाचून हसू आवरणार नाही!
Man tattoos Delhi's Vada Pav Girl: चंद्रिका गेरा दीक्षित उर्फ वडापाव गर्लचा हातावर टॅटू काढणाऱ्या तरुणाला नेटकऱ्यांनी ट्रोल केले आहे.
Viral News: दिल्लीतील सैनिक विहारमधील एका स्टॉलवर वडापाव विकतानाचा व्हिडिओ व्हायरल झाल्यानंतर चंद्रिका गेरा दीक्षित उर्फ वडापाव गर्ल ही बिग बॉस ओटीटी स्पर्धक आहे. ती लोकप्रिय झाल्यापासून तिचे वडापाव विकतानाचे आणि लोकांशी भांडतानाचे असंख्य व्हिडिओ सोशल मीडियावर व्हायरल झाले. काहींनी मनोरंजनासाठी तिचे व्हिडिओ पाहिले असतील, पण एका व्यक्ती तिचा फॅन झाला आणि तिच्या चेहऱ्याचा टॅटू त्याने हातावर काढला. मात्र, यानंतर तो तरुण प्रचंड ट्रोल झाला असून नेटकरी त्याची खिल्ली उडवताना दिसत आहेत.
हा टॅटू दाखवणारा व्हिडिओ महेश चव्हाणने इन्स्टाग्रामवर पोस्ट केला आहे. या क्लिपमध्ये एक व्यक्ती टॅटू पार्लरमध्ये जाऊन रिसेप्शनिस्टला चंद्रिका गेरा दीक्षितचा टॅटू आपल्या हातावर काढायचा आहे, असे सांगतो. चव्हाण यांच्या म्हणण्यानुसार, हा व्यक्ती बेरोजगार आहे. पण दीक्षित यांचा फॅन झाला आहे. दीक्षित यांना तो आपला गुरू मानू लागला आहे आणि त्यांच्या पावलावर पाऊल ठेवत त्यानेही वडापावचा स्टॉल उघडण्याचा निर्णय घेतला.
हा व्हिडिओ काही दिवसांपूर्वी इन्टाग्रामवर पोस्ट करण्यात आला. या व्हिडिओला आतापर्यंत १० लाख लोकांनी पाहिले आहे. तर, ३ लाखाहून अधिक लोकांनी त्याला लाइक केले आहे. या व्हिडिओवर संख्य लाईक्स आणि कमेंट्सही येत आहेत.
नेटकऱ्यांनी दिली अशी प्रतिक्रिया
एका व्यक्तीने लिहिले, "म्हणूनच शिक्षण अत्यंत महत्त्वाचे आहे. अबू नावाच्या आणखी एका इन्स्टाग्राम युजरने म्हटले आहे की, भावाला याचा पश्चाताप होईल. लक्ष्य सैनी या इन्स्टाग्राम युजरने लिहिले की, 'कव्हर-अप टॅटू लवकरच येत आहे. चौथ्याने सांगितले की, “म्हणूनच शिक्षणाची खूप गरज आहे.”
अभिनेता अनिल कपूर होस्ट करत असलेल्या या रिअ‍ॅलिटी शोचा तिसरा सीझन जिओ सिनेमावर २१ जूनपासून सुरू झाला. या कार्यक्रमात दीक्षित यांनी वडापाव विकून दिवसाला ४० हजार रुपये कमावल्याचे सांगितले. बिग बॉस ओटीटी ३ च्या घरात प्रवेश करण्यापूर्वी चंद्रिकाने पिंकविलाशी बोलताना ती हा शो का करत आहे? याबद्दल सांगितले होते. "लोक टिप्पणी करण्यासाठी असतात. कुछ तो लोग कहेंगे, लोगों का काम है कहना. अनेकदा लोक इतरांच्या आयुष्यातील संघर्षांबद्दल जाणून न घेता त्यांच्या आयुष्यावर भाष्य करतात. लोक माझ्याबद्दल काहीही न कळता इतक्या लवकर माझ्याबद्दल समज बनवतात, हे माझ्यासाठी खूप मनोरंजक आहे. मी दुसऱ्या कोणासाठी असे कधीच करत नाही. लोकांना न ओळखता तुम्ही त्यांना कसे न्याय देऊ शकता? असाही प्रश्न तिने त्यावेळी उपस्थित केला होता.
संबंधित बातम्या