ज्या तरुणीवर बलात्काराच्या आरोपात झाली कैद, आरोपीने तुरुंगात तिच्याशीच केला विवाह
वधूचे वकील पी. के. मिश्रा यांनी सांगितले की, वधू-वरांच्या कुटुंबीयांमध्ये काही गैरसमज आहेत. यामुळे एका २२ वर्षीय तरुणीने बेहरा विरोधात बलात्काराची तक्रार दाखल केल्यानंतर त्याला ताब्यात घेण्यात आले.
ओडिशातील गंजम जिल्ह्यात बलात्काराच्या गुन्ह्यात शिक्षा भोगत असलेल्या एका २६ वर्षीय तरुणाने कारागृहाच्या आवारात पीडितेशी लग्न केले. कारागृहाच्या आवारात वधू-वरांचे कुटुंबीय, अनेक मान्यवर आणि तुरुंग अधिकारी यांच्या उपस्थितीत हा विवाह सोहळा पार पडला. कोडाळा येथील उपकारागृह परिसरात जल्लोषाचे वातावरण होते. पोलासरा पोलिस ठाण्याच्या हद्दीतील गोछाबारी येथे राहणाऱ्या सूर्यकांत बेहरा या कैद्याने गेल्या वर्षी नोव्हेंबरमध्ये कारागृहात येण्यापूर्वी एका तरुणीवर प्रेम करत होता. पोलिसांनी अटक करण्यापूर्वी बेहरा गुजरातमधील सुरत येथे काम करत होता.
वधूचे वकील पी. के. मिश्रा यांनी सांगितले की, वधू-वरांच्या कुटुंबीयांमध्ये काही गैरसमज आहेत. यामुळे एका २२ वर्षीय तरुणीने बेहरा विरोधात बलात्काराची तक्रार दाखल केल्यानंतर त्याला ताब्यात घेण्यात आले. त्यांनी सांगितले की, त्यांनी आता परस्पर संमतीने लग्न करण्यास सहमती दर्शविली आहे. मात्र, नवरदेव विचाराधीन कैदी म्हणून तुरुंगात आहे. कारागृह प्रशासनाकडून परवानगी मिळाल्यानंतर आणि सर्व कायदेशीर बाबींचे पालन करून आम्ही त्यांचा विवाह सोहळा पार पाडला, अशी माहिती कोडाला उपकारागृहाचे जेलर तारिणीसेन देहुरी यांनी दिली.
हिंदू रीति-रिवाजाने पार पडला विवाह -
वकिलांनी सांगितले की, हा विवाह पारंपारिक हिंदू रीतीरिवाजानुसार पार पडला. यावेळी वधू-वरांचे कुटुंबीय व इतर मान्यवर उपस्थित होते. नवरदेव सुसज्ज इलेक्ट्रिक वाहनातून (ईव्ही) कार्यक्रमस्थळी पोहोचला, ज्याची व्यवस्थाही तुरुंग प्रशासनाने केली होती. लग्न समारंभ आटोपल्यानंतर नवर् याला पुन्हा तुरुंगात पाठवण्यात आले, तर वधू घरी परतली. लवकरच त्याची तुरुंगातून सुटका होईल आणि ते सुखी वैवाहिक जीवन जगतील, अशी आशा वराचे वडील भास्कर बेहरा यांनी व्यक्त केली. '
संबंधित बातम्या