सांता क्लॉजच्या वेशात आला घरी अन् पत्नी, मुलांसह ७ जणांची गोळ्या घालून केली हत्या; काय आहे 'ख्रिसमस हत्याकांड'?
अजीज घरी पोहोचला तेव्हा त्याच्या भाचीने तिच्या प्रियकराला मेसेज पाठवून त्याच्या येण्याची तक्रार केली. तिने लिहिले की, आम्ही नुकतेच इथे आलो आहोत आणि माझे काकाही आले आहेत. त्यांनी सांताचा वेश परिधान केला आहे. '
Christmas murders : ख्रिसमस हत्याकांड म्हणून ओळखली जाणारी ही घटना सन २०११ सालची आहे, जेव्हा या सनसनाटी हत्याकांडाने सर्वांना हादरवून सोडले होते. सांताक्लॉजच्या वेशातील एका व्यक्तीने ही घटना घडवून आणली. पोलीस घटनास्थळी पोहोचले तेव्हा त्यांना गिफ्ट रैपिंग पेपरमध्ये लपेटलेले ७ मृतदेह पडलेले दिसले. ५६ वर्षीय अजीज याझदानपनाह असे या हल्लेखोराचे नाव असून तो मूळचा इराणी आहे. घरातील ख्रिसमस पार्टीत त्याने पत्नी, दोन मुले, बहीण, मेहुणा आणि भाचीची हत्या केली. ही बातमी ऐकून सर्वजण स्तब्ध झाले. लोकांना विश्वास बसणे कठीण जात होते.
अजीज घरी पोहोचला तेव्हा त्याच्या भाचीने तिच्या प्रियकराला मेसेज पाठवून त्याच्या येण्याची तक्रार केली. आम्ही नुकतेच इथे आलो आहोत आणि माझे काकाही आले आहेत. त्यांनी सांताचा वेश परिधान केला आहे. आता तो वडील असल्याचे भासवत आहे आणि त्याला फादर ऑफ द इयर पुरस्कार जिंकायचा आहे. त्यानंतर २० मिनिटांनी अझीझने भाची आणि कुटुंबातील इतर सदस्यांवर गोळ्या झाडल्या. यावेळी त्याने स्वत:वर ही गोळी झाडली, पण आत्महत्या करण्यापूर्वी या खुनाची माहिती देण्यासाठी ९११ वर फोनही केला.
डोके, छाती आणि पोटात झाडल्या गोळ्या-
खुनाची माहिती मिळताच केवळ तीन मिनिटांत पोलिस घटनास्थळी दाखल झाले. अजीज यांनी पत्नी फतेमेह रहमती (५५), त्यांचा १४ वर्षीय मुलगा अली आणि मुलगी नोना (१९) यांच्यावर गोळ्या झाडल्या होत्या. पत्नीची बहीण जोहरे रहमती (५८), पती मोहम्मद हुसेन झरई (५९) आणि मुलगी सहारा (२२) यांचीही हत्या केली. या पीडितांच्या डोक्यावर, छातीवर आणि पोटात अनेक गोळ्या झाडण्यात आल्या होत्या.
घटनास्थळावरून दोन पिस्तुले जप्त करण्यात आली आहेत. त्यानंतर एका कौटुंबिक मित्राने पीटीआयला सांगितले की, अजीज यांना पार्टीत आमंत्रित करण्यात आले नव्हते. ख्रिसमसच्या पूर्वसंध्येला त्यांनी अजीज यांच्याशी संवाद साधला. यावेळी त्याने सांगितले की, पत्नी आणि मुलांवर आपल्या वहिनीचे नियंत्रण आहे. ते त्याचं म्हणणं ऐकतात.
संबंधित बातम्या